1 پطرس 5:6 - کِتاب مُقدّس سرائیکی ترجمہ

⁶ بس خُدا دے زورآور ہتھ دے تلے عاجزی نال راہو تے او تُہاکُوں مناسب ویلے تے سرفراز کریسی۔

1 پطرس 5:6 Referans Kwoze

یعقُوب 4:10

خُداوند دے سامنڑے عاجزی کرو تاں او تُہاکُوں سرفراز کریسی۔

لُوقا 14:11

کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا آپنڑے آپ کُوں چھوٹا بنڑیسی او وڈا کیتا ویسی۔“

متّی 23:12

کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا آپنڑے آپ کُوں چھوٹا بنڑیسی او وڈا کیتا ویسی۔

لُوقا 18:14

مَیں تُہاکُوں آدھا ہاں جو فریسی نئیں بلکہ محصُول گِھننڑ آلا خُدا دی نظر ءچ نیک بنڑ تے آپنڑے گھر گِیا کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا کوئی آپنڑے آپ کُوں چھوٹا بنڑیسی او وڈا کیتا ویسی۔“

لُوقا 1:52

اُوں اِختیار آلیاں کُوں تخت کنُوں سَٹ ڈِتا تے پست حالاں کُوں اُچا کر ڈِتا۔

رومیوں 5:6

کیوں جو جِیں ویلے اساں سارے بے وس ہسے تاں مسیح عین موقع تے اساں بدکاراں کیتے آپنڑی جان ڈِتی۔

1کُرِنتھِیوں 10:22

کیا اساں اِینویں کرݨ نال خُداوند دے قہر کُوں نئیں بھڑکیندے؟ کیا اساں اُوں کنُوں زیادہ زورآور ہیں؟

یعقُوب 5:10

بِھراؤ! جیہڑے نبیاں خُداوند دے ناں نال کلام کیتا، اُنہاں کُوں ڈُکھ چاوݨ تے صبر کرݨ دا نمونہ سمجھو۔

طِطُس 1:3

پر ہُنڑ اُوں آپنڑے مقرر کیتے وقت اُتے آپنڑے کلام دی تبلیغ دے ذریعے اُونکُوں ظاہر کیتا۔ اِیں تبلیغ دا کم ساڈے نجات ڈیوݨ آلے خُدا دے حُکم نال میڈے سپُرد کیتا گئے۔

1 تِیمُتھِیُس 2:6

جئیں آپنڑے آپ کُوں ساریاں دی مخلصی کیتے فِدیہ دے طور تے ڈے ڈِتا۔ اِینویں اُوں مقرر وقت اُتے اِیں گالھ دی گواہی ڈِتی۔

یعقُوب 4:7

اِیں واسطے خُدا دے تابع راہو۔ ابلیس دا مُقابلہ کرو تاں او تُہاڈے کنُوں بھج ویسی۔