1 پطرس 4:7 - کِتاب مُقدّس سرائیکی ترجمہ

⁷ سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

1 پطرس 4:7 Referans Kwoze

1 پطرس 1:13

اِیں واسطے ذہنی طور تے تیار تے ہوشیار تھی ونجو تے اُوں فضل اُتے پُوری اُمید رکھو جیہڑا یسُوع مسیح دے ظہور ویلے تُہاڈے اُتے تھیسی۔

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

2 تِیمُتھِیُس 4:5

پر تُوں ہر حال ءچ ہوشیار رہ، ڈُکھ برداشت کر، خوشخبری دی تبلیغ کر، تے آپنڑی خدمت کُوں پُورا کر۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

عبرانیوں 10:25

آپس ءچ میل جول رکھنڑ نہ چھوڑوں جِینویں کُجھ لوکاں دی عادت بنڑ گئی ہے بلکہ اساں ہِک ڈُوجھے کُوں مزید حوصلہ ڈیؤں خاص کر ایہ ڈیدھے ہوئے جو مسیح دے واپس آوݨ دا ڈینہہ نیڑے آندا پِیا ہے۔

کلُسِّیوں 4:2

شُکرگزاری تے بیداری نال دُعا کرݨ ءچ مصروف راہو۔

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،

رومیوں 12:12

اُمید ءچ خوش، مُصیبت ءچ صابر، دُعا کرݨ ءچ لگے راہو۔

فِلِپّیوں 4:5

تُہاڈی نرم دِلی سارے لوکاں اُتے ظاہر تھیوے۔ یاد رکھو جو خُداوند آوݨ آلا ہے۔

لُوقا 22:46

تے اُنہاں کُوں آکھیا، ”تُساں کیوں سُتے پئے ہیوے؟ اُٹھی تے دُعا کرو تاں جو ازمائش ءچ نہ پوو۔“

مُکاشفہ 16:15

”ڈیکھو! مَیں چور وانگُوں آندا پِیا ہاں مُبارک ہے او جیہڑا جاگدا راہندے تے آپنڑی پُشاک کُوں حفاظت نال رکھیندے۔ اِینویں نہ تھیوے جو او ننگا پِھرے تے لوک اُوندا ننگا پن ڈیکھنڑ۔“

1 پطرس 3:7

پائیو! تُساں وی آپنڑیاں ذالاں کُوں آپنڑے تُوں کمزور جاݨ تے اُنہاں دے نال سمجھداری نال زندگی گُزارو، تے اُنہاں کُوں زندگی دیاں نعمتاں ءچ برابر شریک جاݨ تے اُنہاں دی عزت کرو تاں جو تُہاڈیاں دُعاواں رُک نہ ونجنڑ۔

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

1کُرِنتھِیوں 15:24

وَل آخرت ہوسی۔ اُوں ویلے مسیح ساری حکُومت، سارا اِختیار تے قُدرت فنا کر تے بادشاہی کُوں خُدا باپ دے حوالے کر ڈیسی۔

1کُرِنتھِیوں 7:29

بِھراؤ! مَیں ایہ آدھا ہاں جو وقت گھٹ ہے، اِیں واسطے اگُوں کنُوں ذال آلے اِینویں ہووݨ جِینویں او بغیر ذال دے ہِن۔

متّی 24:42

بس جاگدے راہو کیوں جو تُساں نئیں جانڑدے جو تُہاڈا مالک کیہڑے ڈینہہ آسی۔

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

متّی 25:13

اِیں واسطے جاگدے راہو کیوں جو تُساں نہ اُوں ڈینہہ کُوں جانڑدے ہیوے نہ اُوں ویلے کُوں۔

عبرانیوں 9:26

نہ تاں دُنیا دے شروع کنُوں گِھن تے ہُنڑ تئیں اُونکُوں ولا ولا موت دا ڈُکھ چاونڑا پوندا۔ پر ہُنڑ زمانیاں دے آخر ءچ مسیح ہِک پھیری ظاہر تھیّا تاں جو آپنڑے آپ کُوں قُربان کرݨ نال گُناہ کُوں ختم کر ڈیوے۔