1 پطرس 4:4 - کِتاب مُقدّس سرائیکی ترجمہ

⁴ تے ہُنڑ او لوک حیران تھیندن جو تُساں ایجھیاں سبھ بدکاریاں ءچ اُنہاں دا ساتھ نئیں ڈیندے، تے او تُہاکُوں بُرا بھلا آدھے ہِن۔

1 پطرس 4:4 Referans Kwoze

1 پطرس 3:16

تے آپنڑی نیّت صاف رکھو تاں جو تُہاڈے نیک چال چلنڑ دے بارے ءچ جیہڑا مسیح ءچ ہے، غلط بیانی کرݨ آلے آپنڑے اِلزام لاوݨ اُتے شرمندہ تھیوݨ۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

اعمال 18:6

جِیں ویلے او پولُس دے خلاف تھی تے اُونکُوں بُرا بھلا آکھنڑ لگ پئے تاں اُوں آپنڑے کپڑے جھاڑ تے اُنہاں کُوں آکھیا، ”تُہاڈا خون تُہاڈی ای گردن اُتے ہووے۔ مَیں اِیندا ذمہ دار نئیں، ہُنڑ تُوں مَیں غیریہُودیاں کولھ ویساں۔“

یہُوداہ 1:10

پر ایہ لوک اُنہاں گالھیں دے بارے ءچ توہین کریندے ہِن جِنہاں دے بارے ءچ سمجھ نئیں رکھیندے۔ تے جِنہاں گالھیں کُوں او بے سمجھ جانوراں آلی کار آپنڑی فطرت نال سمجھدے ہِن، اُوہو اُنہاں کُوں برباد کر ڈیندیاں ہِن۔

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

2 پطرس 2:22

اُنہاں اُتے ایہ کہاوت سچ آندی ہے جو ”کُتا آپنڑی اُلٹی دو واپس آندے“ تے ”دھاتی ہوئی سُورنی ولا چِکڑ ءچ ویندی ہے۔“

2 پطرس 2:12

پر ایہ کُوڑے اُستاد، آپنڑی فطرت اُتے چلنڑ آلے ناسمجھ جانوراں وانگُوں ہِن جیہڑے اِیں واسطے پیدا تھئے ہِن جو اُنہاں کُوں پکڑیا تے ختم کیتا ونجے۔ او اُوندی توہین کریندے ہِن جیہڑا کُجھ او نئیں سمجھدے، تے اُنہاں دی بربادی ءچ او وی برباد تھی ویسن۔

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

لُوقا 15:13

بہُوں ڈینہہ نہ لنگھے جو چھوٹے پوتر آپنڑا سارا مال جمع کیتا تے دُور دراز مُلک کُوں روانہ تھی گِیا تے اُتھاں ساری دولت عیش و عشرت ءچ اُڈا ڈِتی۔

اِفِسیوں 5:18

شراب ءچ دُھت نہ تھیؤ کیوں جو ایہ بدکاری دو گِھن ویندی ہے بلکہ رُوح القُدس نال بھریندے راہو۔

متّی 23:25

منافق شریعت دے عالمو تے فریسیو، تُہاڈے اُتے افسوس۔ تُساں پیالے تے تھالی کُوں باہر کنُوں تاں صاف کریندے ہیوے پر اُنہاں ءچ لُٹ دا مال تے بُرائی بھری پئی ہے۔