1 پطرس 4:2 - کِتاب مُقدّس سرائیکی ترجمہ

² ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

1 پطرس 4:2 Referans Kwoze

1 پطرس 1:14

خُدا دے فرمانبردار فرزند ہوندے ہوئے آپنڑی جہالت دے زمانہ دیاں بُریاں خواہشاں دے تابع نہ تھیؤ،

اِفِسیوں 6:6

آدمیاں کُوں خوش کرݨ آلیاں آلی کار صرف ڈِکھاوے کیتے خدمت نہ کرو بلکہ مسیح دے خدمت گُزار ہوندے ہوئے دل نال خُدا دی مرضی پُوری کرو۔

رومیوں 6:11

اِینویں ای تُساں وی آپنڑے آپ کُوں گُناہ دے لحاظ نال تاں مُردہ، پر خُدا دے جلال کیتے یسُوع مسیح ءچ زندہ سمجھو۔

2کُرِنتھِیوں 5:15

تے او اِیں واسطے ساریاں دی خاطر مویا جو جیہڑے زندہ ہِن او اگُوں تے آپنڑے کیتے زندہ نہ راہوݨ بلکہ صرف اُوندے کیتے جیہڑا اُنہاں کیتے مویا تے ولا زندہ تھی گِیا۔

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

رومیوں 6:2

ہرگز نئیں! اساں جیہڑے گُناہ دے اعتبار کنُوں مر گئے ہیں تاں ہُنڑ کِینویں گُناہ آلی زندگی گُزار سگدے ہیں؟

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

رومیوں 14:7

کیوں جو ساڈے ءچوں کوئی وی صرف آپنڑے واسطے زندہ نئیں راہندا تے نہ ای کوئی صرف آپنڑے واسطے مردے۔

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

یُوحنّا 7:17

جے کوئی اُوندی مرضی اُتے چلنڑ چاہوے تاں او اِیں تعلیم دے بارے ءچ جاݨ گِھنسی جو خُدا دی طرفوں ہے یا مَیں آپنڑے کولُھوں آدھا ہاں۔

مرقس 7:21

کیوں جو اندر کنُوں یعنی دل ءچوں بُرے خیال، حرامکاریاں، چوریاں، خون ریزیاں،

مرقس 3:35

کیوں جو جیہڑا کوئی خُدا دی مرضی اُتے چلدے اُوہو میڈا بِھرا، میڈی بھینڑ تے میڈی ماء ہے۔“

1 یُوحنّا 2:17

دُنیا تے اُوندیاں خواہشاں ڈوہائیں ختم تھی ویندیاں ہِن پر جیہڑا خُدا دی مرضی اُتے ٹُردے، او ہمیشاں تئیں قائم راہندے۔

یعقُوب 1:18

اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

کلُسِّیوں 1:9

اِیں واسطے جئیں ڈینہہ تُوں اساں ایہ سُنڑیا ہے، اساں تُہاڈے کیتے دُعا کریندے پئے ہیں۔ ساڈی درخاست ہے جو خُدا تُہاکُوں ساری حِکمت تے رُوحانی سمجھ دے ذریعے، آپنڑی مرضی دے علم نال بھر ڈیوے،

اِفِسیوں 5:17

اِیں واسطے بے سمجھ نہ بنڑو بلکہ خُداوند دی مرضی معلوم کرو جو او کیا ہے۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

رومیوں 7:4

بِھراؤ! تُساں وی مسیح دے بدن دے وسیلے نال شریعت دے اعتبار نال مر گئے ہیوے تاں جو کہیں بئے دے تھی ونجو یعنی مسیح دے جیہڑا مُردیاں ءچوں زندہ کیتا گِیا تاں جو تُساں خُدا کیتے پھل گِھن آؤ۔

یُوحنّا 1:13

او نہ خون کنُوں، نہ جِسمانی خواہش کنُوں تے نہ اِنسان دے اِرادے کنُوں بلکہ خُدا کنُوں پیدا تھئے۔

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

متّی 12:50

کیوں جو جیہڑا کوئی میڈے اسمانی باپ دی مرضی اُتے چلدے اُوہو میڈا بِھرا تے میڈی بھینڑ تے میڈی ماء ہے۔“

متّی 7:21

میکُوں ’مالک! مالک!‘ آکھنڑ آلا ہر بندہ اسمان دی بادشاہی ءچ داخل نہ تھیسی، پر اُوہو جیہڑا میڈے اسمانی باپ دی مرضی اُتے ٹُردے۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

کلُسِّیوں 3:3

کیوں جو تُساں مر گئے تے تُہاڈی زندگی مسیح دے نال خُدا ءچ لُکی ہوئی ہے۔

متّی 20:4

تے اُنہاں کُوں آکھیا، ’تُساں وی میڈے انگُوراں دے باغ ءچ چلے ونجو۔ جیہڑا مناسب ہے تُہاکُوں ڈیساں۔‘ بس او چلے گئے۔