1 پطرس 4:10 - کِتاب مُقدّس سرائیکی ترجمہ

¹⁰ خُدا ہر ہِک کُوں کوئی نہ کوئی نعمت عطا کیتی ہے۔ اِیں واسطے اِنہاں مختلف نعمتاں کُوں خُدا دے چنگے مُختار آلی کار ہِک ڈُوجھے دی خدمت کرݨ ءچ اِستعمال کرو۔

1 پطرس 4:10 Referans Kwoze

مرقس 10:45

کیوں جو اِبنِ آدم وی اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

1کُرِنتھِیوں 3:10

مَیں اُوں فضل دے مطابق جیہڑا خُدا میکُوں بخشیا ہے، ہِک ماہر مِستری وانگُوں بنیاد رکھی ہے تے کوئی ڈُوجھا اُوندے اُتے گھر بنڑیندا پئے۔ پر ہر ہِک کُوں خبردار راہونڑاں چاہیدے جو او کِینویں بنڑیندے۔

اِفِسیوں 4:11

اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

رومیوں 15:27

ایہ کم اُنہاں خوشی نال تاں کیتا پر یروشلیم دے مُقدّساں دے قرضدار وی ہَن۔ کیوں جو جے غیر قوماں یہُودیاں دی رُوحانی برکتاں ءچ شامل تھئیاں ہِن تاں ضروری ہے جو او وی آپنڑی جِسمانی برکتاں نال یہُودیاں دی خدمت کرݨ۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

لُوقا 12:42

خُداوند آکھیا، ”او دیانتدار تے عقلمند مُنشی کیہڑا ہے جِینکُوں اُوندا مالک آپنڑے گھر دے نوکراں چاکراں اُتے مقرر کرے جو او اُنہاں دی خوراک ٹھیک ویلے اُتے ونڈیندا راہوے؟

1کُرِنتھِیوں 4:7

آخر تَیں ءچ تے ڈُوجھے ءچ فرق کوݨ کریندے؟ تیڈے ءچ کیہڑی خاص چیز ہے جیہڑی تیکُوں خُدا کنُوں نئیں مِلی؟ تے جڈاں تیکُوں مِلی ہے تاں فخر کیجھا جِینویں جو خود حاصل کیتی ہووے؟

لُوقا 19:13

اُوں آپنڑے نوکراں ءچوں ڈاہ کُوں سڈ تے اُنہاں ءچ ڈاہ اشرفیاں وَنڈ ڈِتیاں تے اُنہاں کُوں آکھیا جو ’میڈے ولنڑ تئیں کاروبار کرائے۔‘

لُوقا 8:3

تے یُوأنہ ہیرودیس دے مُنشی خُوزہ دی ذال، تے سُوسنّاہ۔ تے کئی بئیاں عورتاں وی نال ہَن جیہڑیاں آپنڑے مال نال اُوندی خدمت کریندیاں ہَن۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

رومیوں 15:25

پر ہُنڑ مَیں مُقدّساں دی خدمت کرݨ کیتے یروشلیم ویندا پِیا ہاں۔

متّی 25:44

وَل او وی جواب ءچ اکھیسن، ’ مالک! اساں کِیں ویلے تُہاکُوں بُکھا یا ترِسّا یا پردیسی یا ننگا یا بیمار یا قید ءچ ڈیکھ تے تُہاڈی خدمت نہ کیتی؟‘

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

2 تِیمُتھِیُس 1:18

خُداوند کرے جو قیامت آلے ڈینہہ اُوندے اُتے خُداوند دا رحم تھیوے۔ تیکُوں چنگی طرحاں پتا ہے جو اُوں اِفِسُس ءچ میڈی بہُوں خدمت کیتی ہئی۔

متّی 24:45

او دیانتدار تے عقلمند نوکر کیہڑا ہے، جِینکُوں اُوندا مالک آپنڑے گھر دے بئے نوکراں چاکراں اُتے مقرر کرے، تاں جو اُنہاں کُوں ویلے نال کھانڑا ڈِتا کرے؟

متّی 24:14

تے بادشاہی دی اِیں خوشخبری دی تبلیغ ساری دُنیا ءچ کیتی ویسی تاں جو سبھ قوماں کیتے گواہی ہووے، وَل خاتمہ تھیسی۔

2کُرِنتھِیوں 9:1

میکُوں اُوں خدمت دے بارے ءچ جیہڑی مُقدّساں دی خاطر کیتی ویندی ہے، تُہاکُوں لِکھنڑ دی ضرورت نئیں۔

متّی 24:21

کیوں جو اُوں ویلے ایجھی وڈی مُصیبت ہوسی جو دُنیا دے شروع کنُوں نہ تاں اَج تئیں آئی ہے، نہ ولا کڈھائیں آسی۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

متّی 25:17

اِینویں ای جِینکُوں ڈُو مِلے ہَن اُوں ڈُو بئے کَما گِھدے۔