1 پطرس 3:20 - کِتاب مُقدّس سرائیکی ترجمہ

²⁰ جیہڑیاں پِچھلے زمانہ ءچ نافرمان ہَن، جِیں ویلے خُدا نُوح دی کشتی بنڑݨ تئیں صبر نال اِنتظار کیتا۔ اُوں کشتی ءچ بہُوں تھوڑے یعنی اَٹھ بندے پانڑی ءچوں لنگھ تے بچ نِکلے۔

1 پطرس 3:20 Referans Kwoze

2 پطرس 2:5

اِینویں ای خُدا قدیم دُنیا کُوں نہ چھوڑیا بلکہ دُنیا دے بے دین لوکاں اُتے طوفان بھیج تے صرف راستبازی دی منادی کرݨ آلے نُوح کُوں بئے سَت لوکاں سمیت بچا گِھدا۔

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

متّی 7:14

کیوں جو او دروازہ تنگ ہے تے او رستہ سُکڑا ہے جیہڑا زندگی آلے پاسے گِھن ویندے تے اُوں تُوں داخل تھیوݨ آلے تھوڑے ہِن۔

2 پطرس 3:15

ساڈے خُداوند دے صبر کُوں نجات حاصل کرݨ دا موقع سمجھو، جِینویں ساڈے عزیز بِھرا پولُس وی اُوں حِکمت دے مطابق جیہڑی خُدا اُونکُوں ڈِتی ہے، تُہاکُوں لِکھیا ہے۔

رومیوں 9:22

بس حیرانگی دی کیا گالھ ہے، جے خُدا آپنڑے غضب تے آپنڑی قُدرت کُوں ظاہر کرݨ دے اِرادے نال اُنہاں کُوں جِنہاں اُتے غضب تھیسی، جیہڑے ہلاکت کیتے تیار کیتے گئے ہَن، بہُوں صبر نال برداشت کریندا ریہا،

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

1 پطرس 1:9

تے تُساں آپنڑے اِیمان دا مقصد یعنی نجات حاصل کریندے پئے ہیوے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔

1 پطرس 3:19

اِیں حالت ءچ اُوں وَنج تے اُنہاں قیدی رُوحاں ءچ تبلیغ کیتی،

1 پطرس 4:19

اِیں واسطے جیہڑے لوک خُدا دی مرضی دے مطابق ڈُکھ سہندے ہِن، او آپنڑے آپ کُوں آپنڑے وفادار خالق دے سپُرد کرݨ تے نیکی کریندے راہوݨ۔