1 پطرس 3:18 - کِتاب مُقدّس سرائیکی ترجمہ

¹⁸ کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

1 پطرس 3:18 Referans Kwoze

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

عبرانیوں 9:26

نہ تاں دُنیا دے شروع کنُوں گِھن تے ہُنڑ تئیں اُونکُوں ولا ولا موت دا ڈُکھ چاونڑا پوندا۔ پر ہُنڑ زمانیاں دے آخر ءچ مسیح ہِک پھیری ظاہر تھیّا تاں جو آپنڑے آپ کُوں قُربان کرݨ نال گُناہ کُوں ختم کر ڈیوے۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

1 پطرس 4:6

تے اُنہاں لوکاں کُوں جیہڑے ہُنڑ مر گئے ہِن، اِیں واسطے خوشخبری سُنڑائی گئی ہئی جو بیشک جِسمانی طور تے تاں اُنہاں دی عدالت اِنساناں دی طرحاں تھیوے، پر رُوحانی لحاظ نال زندہ راہوݨ جِینویں خُدا زندہ ہے۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

1 یُوحنّا 1:9

پر جے اساں آپنڑے گُناہاں دا اِقرار کرُوں تاں او ساڈے گُناہ معاف کرݨ تے ساکُوں بُرائی کنُوں پاک کرݨ ءچ وفادار تے عادل ہے۔

رومیوں 4:25

او ساڈے گُناہاں کیتے موت دے حوالے کیتا گِیا تے ساکُوں راستباز بنڑاوݨ کیتے زندہ کیتا گِیا۔

1 پطرس 4:1

جڈاں مسیح جِسمانی طور تے ڈُکھ چاتا تاں تُساں وی اُوں وانگُوں ڈُکھ چاوݨ کیتے تیار راہو کیوں جو جئیں وی مسیح دی خاطر ڈُکھ سہے، اُوں گُناہ کُوں چھوڑ ڈِتے۔

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

گلتِیوں 1:4

یسُوع آپنڑے آپ کُوں ساڈے گُناہاں کیتے قُربان کر ڈِتا تاں جو او ساکُوں ساڈے خُدا تے باپ دی مرضی دے مطابق اِیں موجودہ بُرے زمانے کنُوں بچا گِھنے۔

2کُرِنتھِیوں 13:4

ہا، او کمزوری دی حالت ءچ صلیب اُتے چڑھایا گِیا پر خُدا دی قُدرت دے سببّوں زندہ ہے، تے اساں وی اُوندی طرحاں کمزور تاں ہیں پر اُوندے نال خُدا دی اُوں قُدرت دے سببّوں زندہ ہوسُوں جیہڑی تُہاڈے کیتے ہے۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

رومیوں 1:4

پر پاکیزگی دی رُوح دے لحاظ نال مُردیاں ءچوں زندہ تھیوݨ دے سببّوں بہُوں قُدرت نال خُدا دا پوتر ثابت تھیّا۔ ایہ ساڈا خُداوند یسُوع المسیح ہے،

یعقُوب 5:6

تُساں بے قصُور کُوں قصُوروار بنڑایا تے قتل کر ڈِتا بھانویں اُوں تُہاڈا مُقابلہ نہ کیتا۔

اعمال 3:14

تُساں اُوں قدُّوس تے راستباز دا اِنکار کیتا تے درخاست کیتی جو ہِک خونی تُہاڈے کیتے رِہا کر ڈِتا ونجے۔

2کُرِنتھِیوں 1:24

میڈا ایہ مقصد نئیں جو اساں اِیمان دے بارے ءچ تُہاڈے اُتے حُکم چلاؤں، بلکہ تُہاڈی خوشی کیتے تُہاڈے مددگار ہیں، کیوں جو تُساں آپنڑے اِیمان اُتے مضبوطی نال قائم راہندے ہیوے۔

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

اعمال 22:14

وَل اُوں آکھیا جو ’ساڈے پِیُو ڈاڈا دے خُدا تیکُوں چُنڑ گِھدے تاں جو تُوں اُوندی مرضی کُوں جانڑیں تے اُوں راستباز کُوں ڈیکھیں تے اُوندے مُنہ دے گالھیں سُنڑیں۔

متّی 27:19

جِیں ویلے پِیلاطُس عدالت دے تخت اُتے بیٹھا ہا تاں اُوندی ذال اُونکُوں ایہ پیغام بھیجیا جو ”اِیں نیک بندے دے خلاف کُجھ نہ کرو کیوں جو مَیں اَج خواب ءچ اِیندی وجہ کنُوں بہُوں ڈُکھ چاتے۔“

متّی 27:24

جِیں ویلے پِیلاطُس ڈِٹھا جو کُجھ نئیں بنڑدا بلکہ اُلٹا ہنگامہ تھیوݨ لگ پئے تاں اُوں پانڑی گِھن تے لوکاں دے سامنڑے آپنڑے ہتھ دھوتے، تے آکھیا، ”مَیں اِیں راستباز دے خون کنُوں بےقصُور ہاں۔ تُساں جانڑو۔“

یُوحنّا 16:10

راستبازی دے بارے ءچ اِیں واسطے جو مَیں باپ دے کولھ ویندا ہاں تے تُساں میکُوں ولا نہ ڈیکھسو،

اِفِسیوں 3:12

ہُنڑ مسیح ءچ تے مسیح اُتے اِیمان رکھ تے اساں دلیری تے اعتماد نال خُدا دے کولھ آ سگدے ہیں۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 10:10

خُدا دی مرضی دا نتیجہ ایہ ہے جو اساں یسُوع مسیح دے جِسم دے ہِکے پھیری قُربان تھیوݨ دے وسیلے نال پاک کر ڈِتے گئے ہیں۔

1 پطرس 3:19

اِیں حالت ءچ اُوں وَنج تے اُنہاں قیدی رُوحاں ءچ تبلیغ کیتی،