1 پطرس 3:14 - کِتاب مُقدّس سرائیکی ترجمہ

¹⁴ پر جے تُساں نیکی کرݨ پارُوں ڈُکھ چاؤ وی تاں تُساں مُبارک ہیوے۔ اُنہاں دیاں دھمکیاں تُوں نہ ڈرو تے نہ گھبراؤ۔

1 پطرس 3:14 Referans Kwoze

متّی 10:28

اُنہاں کنُوں نہ ڈرو جیہڑے جِسم کُوں تاں قتل کر سگدے ہِن پر رُوح کُوں نئیں۔ بلکہ اُوں کنُوں ڈرو جیہڑا جِسم تے رُوح ڈوہائیں کُوں دوزخ ءچ سَٹ سگدے۔

2کُرِنتھِیوں 12:10

اِیہو وجہ ہے جو مسیح دی خاطر میں کمزوری ءچ، بے عزتی ءچ، تکلیفاں ءچ، ستائے ونجنڑ ءچ، تے تنگی ءچ خوش ہاں کیوں جو جِیں ویلے مَیں کمزور ہوندا ہاں اُوں ویلے ای مَیں مضبوط ہوندا ہاں۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

یُوحنّا 14:1

”تُہاڈا دل نہ گھبراوے۔ تُساں خُدا اُتے اِیمان رکھیندے ہیوے، میڈے اُتے وی اِیمان رکھو۔

مرقس 10:29

یسُوع آکھیا، ”مَیں تُہاکُوں سچ آدھا ہاں جو جئیں وی میڈے تے خُدا دی اِنجیل دی خاطر آپنڑے گھر یا بِھرانواں یا بھینڑاں یا ماء یا پِیُو یا بالاں یا رَڑھاں کُوں چھوڑ ڈِتا ہووے،

مرقس 8:35

کیوں جو جیہڑا کوئی آپنڑی جان بچاوݨ چاہندے او اُونکُوں ونجیسی، تے جیہڑا کوئی میڈے تے اِنجیل کیتے آپنڑی جان ونجیسی او اُونکُوں بچیسی۔

متّی 19:29

تے جئیں کہیں گھراں یا بِھرانواں یا بھینڑاں یا پِیُو یا ماء یا بالاں یا رَڑھاں کُوں میڈے ناں دی خاطر چھوڑ ڈِتے اُونکُوں سو گُنا مِلسی، تے او ہمیشاں دی زندگی دا وارث تھیسی۔

متّی 16:25

کیوں جو جیہڑا کوئی آپنڑی جان بچاوݨ چاہندے اُونکُوں ونجیسی، تے جیہڑا کوئی میڈے کیتے آپنڑی جان ونجیسی اُونکُوں پیسی۔

1 پطرس 3:6

جِینویں سارہ، جئیں آپنڑے پئے ابرہام کُوں مالک آکھ تے اُوندی فرمانبرداری کیتی۔ جے تُساں وی نیکی کرو تے کہیں وی ڈراوݨ آلی چیز تُوں نہ ڈرو تاں تُساں وی سارہ دیاں دِھیاں ہوسو۔

متّی 10:39

جیہڑا کوئی آپنڑی جان بچیندے او اُونکُوں ونجیسی تے جیہڑا میڈی خاطر آپنڑی جان ونجیندے، او اُونکُوں پیسی۔

فِلِپّیوں 1:29

کیوں جو تُہاڈے اُتے نہ صرف مسیح اُتے اِیمان گِھن آوݨ دا فضل تھئے بلکہ اُوندی خاطر ڈُکھ سہوݨ دا وی۔

متّی 10:31

بس ڈرو نہ۔ تُہاڈی قدر تاں بہُوں ساریاں چِڑیاں تُوں وی زیادہ ہے۔

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

یعقُوب 5:11

ڈیکھو، اساں صبر کرݨ آلیاں کُوں مُبارک آدھے ہیں۔ تُساں ایُّوب دے صبر دے بارے ءچ تاں سُنڑیا ای ہے تے ایہ وی جانڑدے ہیوے جو خُدا دی طرفوں اِیندا کیا انجام تھیّا، کیوں جو خُداوند وڈا رحم دل تے مہربان ہے۔