1 پطرس 3:11 - کِتاب مُقدّس سرائیکی ترجمہ

¹¹ بُرائی کنُوں دُور راہوے تے بھلائی کرے صُلح دا طالب تھیوے تے اُوندی کوشش ءچ راہوے

1 پطرس 3:11 Referans Kwoze

متّی 5:9

مُبارک ہِن او جیہڑے صُلح کرویندے ہِن، کیوں جو او خُدا دے پوتر اکھویسن۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

رومیوں 14:19

آؤ اساں اُنہاں گالھیں دے طالب راہوں جیہڑیاں میل مِلاپ تے آپس دی ترقی دا سبب ہِن۔

کلُسِّیوں 3:15

تے مسیح دے اِطمینان کُوں آپنڑے دِلاں اُتے حکُومت کرݨ ڈیؤ، کیوں جو تُساں ہِک بدن ہوندے ہوئے صُلح نال راہوݨ کیتے سڈے گئے ہیوے، تے تُساں شُکر گُزار راہو۔

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

رومیوں 12:18

جئیں تئیں ممکن ہووے تُساں آپنڑی طرفوں ہر اِنسان نال صُلح رکھو۔

3 یُوحنّا 1:11

میڈے عزیز! بُرائی دی نئیں بلکہ نیکی دی راہ اُتے ٹُر۔ نیکی کرݨ آلا خُدا تُوں ہے تے جیہڑا بُرائی کریندے، اُوں خُدا کُوں اصلُوں نئیں پچھانڑیا۔

یعقُوب 4:17

بس جیہڑا نیکی کرݨ جانڑدے پر نئیں کریندا، ایہ اُوندے کیتے گُناہ ہے۔

عبرانیوں 13:16

تے بھلائی تے سخاوت کرݨ نہ بُھلائے کیوں جو خُدا ایجھیاں قُربانیاں کُوں پسند کریندے۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

رومیوں 8:6

جِسمانی نیّت موت ہے پر رُوحانی نیّت زندگی تے اِطمینان ہے۔

رومیوں 7:21

بس مَیں ایجھا قانُون پَیندا ہاں جو جِیں ویلے مَیں نیکی کرݨ دا اِرادہ کریندا ہاں تاں بُرائی میڈے کولھ آ موجود تھیندی ہے۔

رومیوں 5:1

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

یُوحنّا 17:15

میڈی دُعا ایہ نئیں جو تُوں اُنہاں کُوں دُنیا کنُوں چا گِھن بلکہ ایہ ہے جو اُنہاں کُوں شیطان تُوں محفوظ رکھ۔

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

متّی 5:45

تاں تُساں آپنڑے اسمانی باپ دے فرزند بنڑ سو۔ کیوں جو او آپنڑے سِجھ کُوں نیکاں تے بداں ڈوہائیں اُتے چمکیندے تے نیکاں تے گُنہگاراں ڈوہائیں اُتے مینہ وسیندے۔

رومیوں 7:19

جیہڑی نیکی کرݨ چاہندا ہاں اُونکُوں تاں نئیں کریندا پر او بُرائی جِینکُوں کرݨ نئیں چاہندا اُونکُوں کر گِھندا ہاں۔

لُوقا 6:35

پر تُساں آپنڑے دُشمنڑاں نال محبت رکھو تے بھلائی کرو۔ تے واپس مِلنڑ دی اُمید دے بغیر قرضہ ڈیؤ، تاں تُہاڈا اجر وڈا ہوسی تے تُساں خُدا تعالیٰ دے فرزند ہوسو، کیوں جو او ناشُکریاں تے بداں اُتے وی مہربان ہے۔

لُوقا 6:9

یسُوع اُنہاں کُوں آکھیا، ”مَیں تُہاکُوں ایہ پُچھدا ہاں جو کیا سبت دے ڈینہہ نیکی کرݨ جائز ہے یا بدی کرݨ؟ جان بچاوݨ یا قتل کرݨ؟“

لُوقا 1:79

تاں جو اُنہاں کُوں جیہڑے اندھارے تے موت دی چھاں ءچ بیٹھے ہَن روشنی بخشے تے ساڈے پیراں کُوں سلامتی دے رستے اُتے ٹورے۔“

مرقس 14:7

کیوں جو غریب تاں ہمیشاں تُہاڈے نال راہسن۔ جِیں ویلے چاہو اُنہاں نال نیکی کر سگدے ہیوے پر مَیں تُہاڈے نال ہمیشاں نہ راہساں۔

1 پطرس 3:12

کیوں جو رب دے اکھیں راستبازاں اُتے ہِن تے اُوندے کَن اُنہاں دی دُعا اُتے لگے راہندن پر رب دا چہرہ بدکاراں دے خلاف ہے۔“