1 پطرس 2:6 - کِتاب مُقدّس سرائیکی ترجمہ

⁶ کیوں جو خُدا دے کلام ءچ لِکھیا ہے جو ”ڈیکھو، مَیں صِیُّون ءچ ہِک پتھر رکھیندا ہاں، کونے دے سرے دا چُنڑیا ہویا تے قیمتی پتھر جیہڑا اُوندے اُتے اِیمان گِھن آسی کڈھائیں شرمندہ نہ تھیسی۔“

1 پطرس 2:6 Referans Kwoze

1 پطرس 2:4

تُساں مسیح دے یعنی اُوں زندہ پتھر دے کولھ آندے پئے ہیوے، جِینکُوں اِنساناں رَد کر ڈِتا ہا، پر خُدا چُنڑ گِھدا تے قیمتی سمجھیا۔

اِفِسیوں 2:20

تُساں ہِک ایجھی عمارت ہیوے جیہڑی رسُولاں تے نبیاں دی بنیاد اُتے اُساری گئی ہے، جیندے کونے دے سرے دا پتھر یسُوع مسیح خود ہے۔

مرقس 12:10

کیا تُساں ایہ نوِشتہ وی نئیں پڑھیا جو ’جِیں پتھر کُوں مِستریاں رَد کر ڈِتا اُوہو کونے دے سرے دا پتھر تھی گِیا۔

رومیوں 10:11

اِیں واسطے خُدا دا کلام ایہ آدھے جو ”جیہڑا کوئی اُوندے اُتے اِیمان گِھن آسی او کڈھائیں شرمندہ نہ تھیسی۔“

2 تِیمُتھِیُس 3:16

ہر ہِک مُقدّس صحیفہ خُدا دے اِلہام کنُوں ہے تے او تعلیم ڈیوݨ، ملامت کرݨ، اصلاح کرݨ تے راستبازی ءچ تربیت ڈیوݨ کیتے مفید ہے۔

یُوحنّا 7:38

جیہڑا کوئی میڈے اُتے اِیمان گِھن آسی اُوندے دل ءچوں، جِینویں خُدا دے کلام ءچ لِکھیا ہے، زندگی دے پانڑی دیاں ندیاں وَیہہ پوسن۔“

لُوقا 23:35

لوک کھڑے ڈیدھے پئے ہَن تے سردار وی ٹھٹّھے مار مار تے آدھے ہَن جو ”اِیں بئیاں کُوں بچایا۔ جے ایہ خُدا دا المسیح تے اُوندا چُنڑیا ہویا ہے، تاں آپنڑے آپ کُوں وی بچاوے۔“

متّی 12:18

”ڈیکھو میڈا خادم، جِینکُوں مَیں چُنڑیا۔ میڈا محبوب جئیں کنُوں میڈا دل خوش ہے۔ مَیں آپنڑا رُوح اُوندے اُتے نازل کریساں تے او قوماں ءچ اِنصاف دا اعلان کریسی۔

2 پطرس 3:16

او آپنڑے سبھ خطاں ءچ اِنہاں گالھیں دا ذِکر کریندے۔ اُوندے کُچھ گالھیں دا سمجھنڑ مُشکل ہے، تے احمق تے بے قیام لوک اُنہاں دے معنی کُوں اِینویں تروڑ مروڑ تے پیش کریندے ہِن، جِینویں او ڈُوجھے صحیفیاں نال وی کریندے ہِن۔ او آپنڑے کیتے تباہی پیدا کریندے ہِن۔

2 پطرس 1:20

پر پہلے ایہ جاݨ گِھنو جو خُدا دے کلام دی کوئی نبُوّت کہیں نبی دی ذاتی تفسیر نئیں۔

اِفِسیوں 1:4

اُوں دُنیا بنڑاوݨ کنُوں پہلے ای ساکُوں مسیح ءچ چُنڑ گِھدا تاں جو اساں اُوندے حضُور پاک تے بے عیب تھیؤں۔ محبت ءچ

اعمال 1:16

”بِھراؤ! اُوں نوِشتہ دا پُورا تھیوݨ ضرور ہا، جیہڑا رُوح القُدس پہلے ای داؤد دی زبان کنُوں اکھوا ڈِتا ہا۔ او گالھ یہُوداہ دے بارے ءچ ہئی جئیں یسُوع کُوں پکڑواوݨ آلیاں دی راہنمائی کیتی ہئی،

لُوقا 20:17

یسُوع اُنہاں اُتے نِگاہ کیتی تے آکھیا، ”وَل ایہ کیا لِکھیا ہے جو ’جِیں پتھر کُوں مِستریاں رَد کر ڈِتا اُوہو کونے دے سرے دا پتھر تھی گِیا؟‘

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔