1 پطرس 2:24 - کِتاب مُقدّس سرائیکی ترجمہ

²⁴ او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

1 پطرس 2:24 Referans Kwoze

متّی 8:17

تاں جو جیہڑا یسعیاہ نبی دی معرفت فرمایا گِیا ہا او پُورا تھیوے جو ”اُوں آپ ای ساڈیاں کمزوریاں گِھن گِھدیاں تے بیماریاں چا گِھدیاں۔“

رومیوں 6:11

اِینویں ای تُساں وی آپنڑے آپ کُوں گُناہ دے لحاظ نال تاں مُردہ، پر خُدا دے جلال کیتے یسُوع مسیح ءچ زندہ سمجھو۔

مُکاشفہ 22:2

شہر دی وڈی سڑک دے اَدھ ءچوں واہندا ہا۔ اُوں دریا دے ڈوہائیں پاسُوں حیات دا درخت ہا۔ او درخت پھلاں دیاں بارہاں فصلاں ڈیندا ہا یعنی ہر مہینہ پھل ڈیندا ہا تے اُوندے پتیاں کنُوں قوماں کُوں شِفا مِلدی ہئی۔

1 یُوحنّا 2:29

جڈاں تُساں جانڑدے ہیوے جو مسیح راستباز ہے تاں تُساں ایہ وی جانڑدے ہوسو جو جیہڑا کوئی راستبازی دے کم کریندے، او رُوحانی طور تے خُدا دا فرزند ہے۔

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

رومیوں 6:2

ہرگز نئیں! اساں جیہڑے گُناہ دے اعتبار کنُوں مر گئے ہیں تاں ہُنڑ کِینویں گُناہ آلی زندگی گُزار سگدے ہیں؟

کلُسِّیوں 3:3

کیوں جو تُساں مر گئے تے تُہاڈی زندگی مسیح دے نال خُدا ءچ لُکی ہوئی ہے۔

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

رومیوں 7:6

پر ہُنڑ اساں مر تے شریعت دی قید ءچوں چُھٹ گئے ہیں۔ تے اساں لِکھی ہوئی شریعت دے پُرانڑے طریقہ دے مطابق نئیں بلکہ رُوح القُدس دے نویں طریقہ دے مطابق خدمت کریندے ہیں۔

1 یُوحنّا 3:7

بالو! کہیں دے دوکھے ءچ نہ اوائے۔ جیہڑا کوئی نیک کم کریندے، او نیک ہے جِینویں مسیح نیک ہے۔

رومیوں 6:7

کیوں جو جیہڑا مر گِیا او گُناہ تُوں وی ازاد تھی گِیا۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

2کُرِنتھِیوں 6:17

اِیں واسطے رب فرمیندے اُنہاں ءچوں نِکل تے اَنج راہو تے کہیں وی پلیت شے کُوں ہتھ نہ لاؤ۔ وَل مَیں تُہاکُوں قبول کریساں

اعمال 5:30

ساڈے پِیُو ڈاڈا دے خُدا، یسُوع کُوں مُردیاں ءچوں زندہ کیتا جِینکُوں تُساں صلیب اُتے چڑھا تے مار ڈِتا ہا۔

لُوقا 4:18

”رب دا رُوح میڈے اُتے ہے کیوں جو اُوں میکُوں مسح کیتے تاں جو مَیں غریباں کُوں خوشخبری سُنڑاواں۔ اُوں میکُوں بھیجیا ہے جو قیدیاں کُوں رہائی تے اندھیاں کُوں اکھیں ڈیوݨ دا اعلان کراں کُچلے ہوئیاں کُوں آزاد کراں

متّی 5:20

کیوں جو مَیں تُہاکُوں سچ آدھا ہاں جو جے تُہاڈا نیک چال چلنڑ شریعت دے عالماں تے فریسیاں تُوں زیادہ نہ ہوسی تاں تُساں اسمان دی بادشاہی ءچ اصلُوں نہ وَنج سگسو۔

عبرانیوں 12:13

تے ”آپنڑے ٹُرݨ کیتے سِدھے رستے اِستعمال کرو“ تاں جو لنگڑا مزید لنگڑا نہ تھیوے بلکہ شِفا پاوے۔

اعمال 13:29

جِیں ویلے او سبھ کُجھ پُورا کر گِھدا جیہڑا اُوندے حق ءچ لِکھیا گِیا ہا تاں اُونکُوں صلیب تُوں لہا تے قبر ءچ رکھ ڈِتا۔

اعمال 10:35

بلکہ ہر قوم ءچ جیہڑا اُوں کنُوں ڈردے تے راستبازی دے کم کریندے، او اُونکُوں پسند آندے۔

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

کلُسِّیوں 2:20

جے تُساں مسیح نال مر تے دُنیاوی اصُولاں کنُوں آزاد تھی گئے ہیوے تاں ہُنڑ دُنیا آلیاں وانگُوں زندگی کیوں گُزریندے پئے ہیوے؟ ایجھے دُنیاوی حُکماں دے کیوں پابند تھیندے ہیوے

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

اعمال 10:39

اساں اُنہاں سارے کماں دے گواہ ہیں جیہڑے اُوں یہُودیاں دے مُلک تے یروشلیم ءچ کیتے۔ اُنہاں اُونکُوں صلیب اُتے چڑھا تے قتل کر ڈِتا۔

متّی 27:26

وَل پِیلاطُس اُنہاں کیتے برابّا کُوں چھوڑ ڈِتا تے یسُوع کُوں کوڑے مروا تے مصلُوب کرݨ کیتے سپاہیاں دے حوالے کر ڈِتا۔

اِفِسیوں 5:9

کیوں جو نُور دا پھل ہر طرحاں دی نیکی، پرہیزگاری تے سچائی ہے۔

یُوحنّا 19:1

وَل پِیلاطُس یسُوع کُوں گِھن گِیا تے کوڑے مروائے۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

مرقس 15:15

پِیلاطُس لوکاں کُوں خوش کرݨ سانگے برابّا کُوں چھوڑ ڈِتا، تے یسُوع کُوں مصلُوب کرݨ کیتے کوڑے مروا تے سپاہیاں دے حوالے کر ڈِتا۔

1کُرِنتھِیوں 15:3

کیوں جو مَیں تُہاکُوں سبھ تُوں زیادہ ضروری گالھ پُچا ڈِتی ہے جیہڑی میکُوں وی پُجی ہئی، جو مسیح خُدا دے کلام دے مطابق ساڈے گُناہاں کیتے مویا،

کلُسِّیوں 2:14

تے حُکم عدُولی دے لِکھے ہوئے اِلزاماں کُوں مِٹا ڈِتا جیہڑے ساڈے خلاف ہَن، تے اُونکُوں صلیب اُتے کِیلاں نال جَڑ تے، ساڈے کنُوں دُور کر ڈِتا،

عبرانیوں 10:5

اِیں واسطے جِیں ویلے مسیح دُنیا ءچ آیا تاں اُوں خُدا کُوں آکھیا جو ”تَیں قُربانیاں تے نذرانیاں کُوں پسند نہ کیتا بلکہ میڈے کیتے ہِک بدن تیار کیتا

عبرانیوں 10:10

خُدا دی مرضی دا نتیجہ ایہ ہے جو اساں یسُوع مسیح دے جِسم دے ہِکے پھیری قُربان تھیوݨ دے وسیلے نال پاک کر ڈِتے گئے ہیں۔