1 پطرس 2:22 - کِتاب مُقدّس سرائیکی ترجمہ

²² ”اُوں نہ تاں کڈھائیں گُناہ کیتا تے نہ اُوندے مُنہ ءچوں مکر دی گالھ نِکلی۔“

1 پطرس 2:22 Referans Kwoze

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

مُکاشفہ 14:5

اُنہاں دے مُنہ ءچوں کڈھائیں کُوڑ نئیں نِکلیا، بلکہ او بے عیب ہِن۔

1 یُوحنّا 2:1

میڈے بالو! مَیں تُہاکُوں ایہ گالھیں اِیں واسطے لِکھدا پِیاں ہاں جو تُساں گُناہ نہ کرو۔ پر جے کوئی گُناہ کرے تاں خُدا باپ دے حضُور ءچ ساڈی سفارش کرݨ آلا ہِک موجود ہے یعنی یسُوع مسیح جیہڑا راستباز ہے۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

لُوقا 23:41

ساڈی سزا تاں جائز ہے کیوں جو اساں آپنڑے کماں دا بدلہ پیندے پئے ہیں پر اِیں کوئی ایجھا کم نئیں کیتا۔“

یُوحنّا 8:46

تُہاڈے ءچوں کوݨ ہے جیہڑا میڈے ءچ گُناہ ثابت کر سگدے؟ جے مَیں سچ آدھا ہاں تاں تُساں میڈا یقین کیوں نئیں کریندے؟

یُوحنّا 1:47

یسُوع نتن ایل کُوں آندے ڈِٹھا تاں اُوندے بارے آکھیا، ”ڈیکھو! ایہ اصلی اِسرائیلی ہے، اِیندے ءچ مکر نئیں۔“

لُوقا 23:47

جِیں ویلے صوبہ دار ایہ حال ڈِٹھا تاں خُدا دی تعریف کریندے ہوئے آکھیا، ”بے شک ایہ بندہ راستباز ہا۔“

متّی 27:19

جِیں ویلے پِیلاطُس عدالت دے تخت اُتے بیٹھا ہا تاں اُوندی ذال اُونکُوں ایہ پیغام بھیجیا جو ”اِیں نیک بندے دے خلاف کُجھ نہ کرو کیوں جو مَیں اَج خواب ءچ اِیندی وجہ کنُوں بہُوں ڈُکھ چاتے۔“

متّی 27:4

”مَیں گُناہ کیتے جو ہِک بے قصُور کُوں قتل کیتے پکڑوائے۔“ او آکھنڑ لگے، ”ساکُوں کیا؟ ایہ تیڈا مسئلہ ہے۔“