1 پطرس 2:16 - کِتاب مُقدّس سرائیکی ترجمہ

¹⁶ تُساں ازاد ہیوے، اِیں واسطے ازادی نال زندگی گُزارو، پر آپنڑی ازادی کُوں بدکاری دا پڑدہ نہ بنڑاؤ بلکہ آپنڑے آپ کُوں خُدا دے غُلام جانڑو۔

1 پطرس 2:16 Referans Kwoze

گلتِیوں 5:13

بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

1کُرِنتھِیوں 7:22

کیوں جو جیہڑا غُلامی دی حالت ءچ خُداوند ءچ سڈیا گئے او خُداوند دا ازاد کیتا ہویا ہے۔ اِینویں ای جیہڑا ازادی دی حالت ءچ سڈیا گئے او مسیح دا غُلام ہے۔

رومیوں 6:18

تُساں گُناہ دی غُلامی کنُوں آزاد تھی تے راستبازی دے غُلام تھی گئے۔

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

یعقُوب 1:25

پر جیہڑا ازادی ڈیوݨ آلی کامِل شریعت اُتے غور نال نظر کریندا راہندے، تے جیہڑا کُجھ سُنڑدے اُونکُوں بُھلدا نئیں بلکہ اُوندے اُتے عمل کریندے، او آپنڑے ہر کم ءچ برکت پیسی۔

یعقُوب 2:12

اِیں واسطے تُساں جیہڑا کُجھ وی اکھیندے یا کریندے ہیوے، یاد رکھو جو تُہاڈی عدالت ازاد کرݨ آلی شریعت دے مطابق تھیسی۔

اِفِسیوں 6:6

آدمیاں کُوں خوش کرݨ آلیاں آلی کار صرف ڈِکھاوے کیتے خدمت نہ کرو بلکہ مسیح دے خدمت گُزار ہوندے ہوئے دل نال خُدا دی مرضی پُوری کرو۔

2 پطرس 2:19

ایہ کُوڑے اُستاد اُنہاں دے نال تاں ازادی دا وعدہ کریندے ہِن پر خود بُرائی دے غُلام بنڑے پئے ہِن۔ کیوں جو جیہڑی چیز اِنسان اُتے غالب آ ویندی ہے، اِنسان اُوندی غُلامی ءچ ہوندے۔

کلُسِّیوں 3:24

کیوں جو تُساں جانڑدے ہیوے جو تُہاکُوں اِیندے بدلہ ءچ خُداوند دی طرفوں میراث مِلسی۔ تُساں آپنڑے خُداوند مسیح دی خدمت کریندے پئے ہیوے۔

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

1تھِسّلُنیکیوں 2:5

تُساں جانڑدے ہیوے جو اساں کڈھائیں وی خوشامد نئیں کیتی تے نہ لالچ نال کلام کیتے، خُدا اِیندا گواہ ہے۔

یُوحنّا 15:22

جے مَیں آ تے اُنہاں نال کلام نہ کریندا تاں او گُنہگار نہ تھیندے پر ہُنڑ اُنہاں دے گُناہ دا اُنہاں کولھ کوئی عُذر نئیں۔