1 پطرس 2:12 - کِتاب مُقدّس سرائیکی ترجمہ

¹² غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

1 پطرس 2:12 Referans Kwoze

1 پطرس 3:16

تے آپنڑی نیّت صاف رکھو تاں جو تُہاڈے نیک چال چلنڑ دے بارے ءچ جیہڑا مسیح ءچ ہے، غلط بیانی کرݨ آلے آپنڑے اِلزام لاوݨ اُتے شرمندہ تھیوݨ۔

متّی 5:16

اِیں طرحاں تُہاڈی روشنی لوکاں دے سامنڑے چمکے تاں جو او تُہاڈے نیک کماں کُوں ڈیکھ تے تُہاڈے اسمانی باپ دی تمجید کرݨ۔

2کُرِنتھِیوں 8:21

اساں پُوری کوشش کریندے ہیں جو اُوہو کم کرُوں جیہڑے نہ صرف خُداوند دی نظر ءچ چنگے ہووݨ بلکہ اِنساناں دی نظر ءچ وی۔

1تھِسّلُنیکیوں 4:12

اِینویں تُساں باہر آلیاں دے سامنڑے عزت دی زندگی گُزریسو تے کہیں چیز دے مُتھاج نہ راہسو۔

1 تِیمُتھِیُس 4:12

کوئی وی تیڈی جوانی دی وجہ تُوں تیکُوں حقیر نہ سمجھے بلکہ تُوں کلام کرݨ، چال چلنڑ، محبت، اِیمان تے پاکیزگی ءچ اِیمانداراں کیتے نمونہ بنڑ۔

یعقُوب 3:13

تُہاڈے ءچوں کیہڑا دانشمند تے سمجھدار ہے؟ جے کوئی ایجھا ہے تاں او اِینکُوں آپنڑے چنگے چال چلنڑ دے ذریعے ثابت کرے تے ایجھے نیک اعمال دے ذریعے وی جیہڑے حِکمت تُوں پیدا تھیوݨ آلی حلیمی نال کیتے ویندن۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

2 پطرس 3:11

جِیں ویلے سبھ چیزاں اِینویں پگھرݨ آلیاں ہِن تاں تُہاکُوں کیجھے لوک ہوونڑا چاہیدے؟ تُہاکُوں تاں بہُوں ای پاکیزگی تے پرہیزگاری دی زندگی گُزریندے ہوئے

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

رومیوں 12:17

بُرائی دا جواب بُرائی نال نہ ڈیؤ۔ دھیان نال او کم کرو جیہڑا ساریاں دی نِگاہ ءچ چنگا ہووے۔

عبرانیوں 13:18

ساڈے کیتے دُعا کریندے راہو۔ ساکُوں یقین ہے جو ساڈا دل صاف ہے تے اساں ہر لحاظ نال نیک زندگی گُزارݨ چاہندے ہیں۔

1 تِیمُتھِیُس 2:2

بادشاہاں تے وڈے اِختیار آلیاں کیتے وی تاں جو اساں خُدا ترسی تے عزت نال پُر امن تے پُر سکون زندگی گُزار سگوں۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

عبرانیوں 13:5

پیسے دے لالچ کنُوں دُور راہو تے جِتنا تُہاڈے کولھ ہے اُوندے ءچ خوش راہو، کیوں جو خُدا فرمائے ”مَیں تَیں تُوں آپنڑا ہتھ کڈھائیں نہ چیساں تے تیکُوں کڈھائیں نہ چُھڑیساں۔“

رومیوں 15:9

تے غیریہُودی خُدا دے رحم دی وجہ کنُوں اُوندی تعریف کرݨ۔ جِینویں لِکھیا ہے جو ”اِیں واسطے مَیں غیر قوماں ءچ تیڈا اِقرار کریساں، تے تیڈے ناں دی حمد کریساں۔“

لُوقا 19:44

تے تیکُوں تے تیڈے بالاں کُوں جیہڑے تیڈے اندر ہِن زمین اُتے پٹک ڈیسن، تے تیڈے اندر کوئی پتھر اُتے پتھر باقی نہ چھوڑیسن، اِیں واسطے جو تَیں اُوں ویلے کُوں نہ پچھانڑیا جِیں ویلے خُدا تیڈی نجات کیتے تیڈے اُتے نِگاہ کیتی۔“

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

متّی 5:11

مُبارک ہوسو تُساں جِیں ویلے لوک تُہاکُوں میڈے سببّوں لعن طعن کریسن تے طرحاں طرحاں دے بُرے گالھیں تُہاڈے بارے ءچ نا حق اکھیسن۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

2کُرِنتھِیوں 13:7

اساں خُدا تُوں دُعا کریندے ہیں جو تُساں بُرائی نہ کرو۔ اِیں واسطے نئیں جو اساں کامیاب نظر آؤں بلکہ اِیں واسطے جو تُساں اُوہو کرو جیہڑا چنگا ہے، بےشک اساں ناکام ای نظر آؤں۔

1کُرِنتھِیوں 14:25

اُوندے دل دے راز ظاہر تھی ویسن تے او مُنہ بھرنے ڈھے تے خُدا کُوں سجدہ کریسی تے منیسی جو ”خُدا سچ مُچ تُہاڈے وچال ہے۔“

اعمال 24:13

ہُنڑ او اِنہاں اِلزاماں کُوں جیہڑے او میڈے اُتے لیندے پئے ہِن، تُہاڈے سامنڑے ثابت نئیں کر سگدے۔

اعمال 15:14

شمعون تُہاکُوں ڈسائے جو خُدا پہلے کِینویں غیر قوماں اُتے نِگاہ کیتی تاں جو اُنہاں ءچوں لوکاں کُوں چُنڑ تے آپنڑے ناں دی ہِک اُمت بنڑا گِھنے۔

لُوقا 6:22

جِیں ویلے اِبنِ آدم دی وجہ کنُوں لوک تُہاڈے نال نفرت رکھیسن تے تُہاکُوں خارج کر ڈیسن تے لعن طعن کریسن تے تُہاڈی بدنامی کریسن تاں تُساں مُبارک ہوسو۔

لُوقا 1:68

”رب العالمین، اِسرائیل دے خُدا دی حمد تھیوے، کیوں جو اُوں آپنڑی اُمت دا خیال کر تے اُونکُوں رہائی بخشی

متّی 9:8

لوک ایہ ڈیکھ تے ڈر گئے تے خُدا دی حمد کرݨ لگے جئیں اِنسان کُوں ایجھا اِختیار بخشیا۔

اعمال 25:7

جِیں ویلے پولُس حاضر تھیّا تاں یہُودیاں جیہڑے یروشلیم کنُوں آئے ہَن، اُوندے چودھارُوں کھڑے تھی تے بہُوں سارے سخت اِلزام لاوݨ شروع کر ڈِتے پر کوئی ثبوت پیش نہ کر سگے۔

یُوحنّا 13:31

جِیں ویلے یہُوداہ باہر چلیا گِیا تاں یسُوع آکھیا، ”ہُنڑ اِبنِ آدم جلال پایا ہے تے خُدا اُوندے ءچ جلال پایا ہے۔

اعمال 28:22

پر اساں تُہاڈے خیال جاننڑاں چاہندے ہیں۔ ایہ تاں ساکُوں معلوم ہے جو لوک ہر جاہ اِیں فرقہ دے خلاف گالھیں کریندے ہِن۔“

رومیوں 14:18

جیہڑا کوئی اِینویں مسیح دی خدمت کریندے اُونکُوں خُدا پسند کریندے تے او لوکاں ءچ مقبول ہے۔

1 تِیمُتھِیُس 5:10

تے نیک کم کرݨ ءچ مشہور ہووے یعنی اُوں آپنڑے بالاں دی تربیت کیتی ہووے، مہمان نوازی کیتی ہووے، مُقدّساں دی خدمت ءچ اُنہاں دے پیر دھوتے ہووݨ، مُصیبت دے ماریاں دی مدد کیتی ہووے تے ہر نیک کم کرݨ ءچ مصروف ریہی ہووے۔

1 پطرس 2:15

کیوں جو خُدا دی مرضی ایہ ہے جو تُساں نیکی کر تے جہالت دے گالھیں کرݨ آلے ناسمجھ لوکاں دے مُنہ بند کر ڈیؤ۔