1 پطرس 1:6 - کِتاب مُقدّس سرائیکی ترجمہ

⁶ اِیہو وجہ ہے جو تُساں خوشی منیندے ہیوے، بھانویں جو کُجھ دیر کیتے طرحاں طرحاں دیاں ازمائیشاں دی وجہ کنُوں تُہاکُوں ڈُکھ برداشت کرنڑا پوندے،

1 پطرس 1:6 Referans Kwoze

یعقُوب 1:2

میڈے بِھراؤ، جِیں ویلے تُساں طرحاں طرحاں دیاں ازمائیشاں دا سامنڑا کریندے ہیوے تاں اِینکُوں وڈی خوشی دی گالھ سمجھو۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

رومیوں 12:12

اُمید ءچ خوش، مُصیبت ءچ صابر، دُعا کرݨ ءچ لگے راہو۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

متّی 5:12

خوش تھیوائے تے جشن منائے کیوں جو اسمان اُتے تُہاکُوں وڈا اجر مِلسی، اِیں واسطے جو لوکاں تُہاڈے تُوں پہلے نبیاں کُوں وی اِینویں ای ستایا ہا۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

یُوحنّا 16:22

اِینویں ای ہُنڑ تُہاکُوں ڈُکھ تاں ہے پر مَیں تُہاکُوں ولا مِلساں تے تُہاڈا دل خوش تھیسی تے کوئی تُہاڈی خوشی کَھس نہ گِھنسی۔

متّی 11:28

محنت کرݨ آلیو تے بھار تلے دبے ہوئے لوکو! سبھ میڈے کولھ آؤ۔ مَیں تُہاکُوں آرام ڈیساں۔

رومیوں 5:11

تے نہ صرف ایہ بلکہ اساں آپنڑے خُداوند یسُوع المسیح دے ذریعے خُدا اُتے فخر کریندے ہیں جیندے وسیلے ساڈی خُدا نال صُلح تھی گئی ہے۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

لُوقا 10:20

وَل وی اِیں تُوں خوش نہ تھیؤ جو بدرُوحاں تُہاڈے تابع ہِن بلکہ اِیں گالھ کنُوں خوش تھیؤ جو تُہاڈے ناں اسمان اُتے لِکھے ہوئے ہِن۔“

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

یعقُوب 4:9

افسوس کرو، ماتم کرو تے وینڑ کرو۔ تُہاڈا کِھلنڑ ماتم ءچ بدل ونجے تے تُہاڈی خوشی غم ءچ بدل ونجے۔

2کُرِنتھِیوں 4:17

ساڈی ایہ بہُوں عارضی تے ہلکی جیہی مُصیبت ساڈے کیتے ایجھا بھاری تے ابدی جلال پیدا کریندی پئی ہے۔

یعقُوب 1:9

غریب بِھرانواں کُوں مسیح ءچ آپنڑے اُچے مرتبہ اُتے فخر کرنڑا چاہیدے۔

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

1تھِسّلُنیکیوں 1:6

بھانویں سخت مُصیبت آئی، وَل وی تُساں کلام کُوں رُوح القُدس دی ڈِتی ہوئی خوشی نال قبول کر تے ساڈے تے خُداوند دے نمونے اُتے چلنڑ آلے بنڑ گئے۔

فِلِپّیوں 4:4

خُداوند ءچ ہر وقت خوش راہو۔ میں ولا آدھا ہاں جو خوش راہو۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

رومیوں 9:2

جو مَیں بہُوں غمگین ہاں تے میڈا دل ہر ویلے ڈُکھدا راہندے۔

فِلِپّیوں 2:26

او تُہاڈے ساریاں نال مِلنڑ دی سِک رکھیندا تے پریشان وی ہا کیوں جو تُساں اُوندی بیماری دا حال سُنڑیا ہا۔

لُوقا 2:10

پر فرشتے اُنہاں کُوں آکھیا، ”ڈرو نہ، کیوں جو ڈیکھو مَیں تُہاکُوں وڈی خوشی دی بشارت ڈیندا ہاں جیہڑی ساری اُمت کیتے ہوسی۔

لُوقا 1:47

تے میڈی رُوح میڈے نجات ڈیوݨ آلے خُدا تُوں خوش ہے۔

متّی 26:37

او پطرس تے زبدی دے ڈوہائیں پوتراں کُوں نال گِھن گِیا تے غمگین تے بے چین تھیوݨ لگا۔

1 پطرس 3:17

جے خُدا دی اِیہو مرضی ہے جو تُساں نیکی کر تے ڈُکھ چاؤ تاں ایہ بُرائی کر تے ڈُکھ چاوݨ تُوں چنگا ہے۔