1 پطرس 1:25 - کِتاب مُقدّس سرائیکی ترجمہ

²⁵ پر خُداوند دا کلام ہمیشاں تئیں قائم راہندے۔“ ایہ اُوہو خوشخبری دا کلام ہے جیہڑا تُہاکُوں سُنڑایا گئے۔

1 پطرس 1:25 Referans Kwoze

متّی 5:18

کیوں جو مَیں تُہاکُوں سچ آدھا ہاں جو جئیں تئیں اسمان تے زمین ٹَل نہ ونجنڑ ہِک نقطہ یا ہِک شوشہ توریت ءچوں ہرگز نہ ٹَل سی جئیں تئیں سبھ کُجھ پُورا نہ تھی ونجے۔

1 یُوحنّا 1:1

اساں زندگی دا او کلام بیان کریندے ہیں جیہڑا شروع کنُوں ہا، جِینکُوں اساں سُنڑیا تے آپنڑے اکھیں نال ڈِٹھا تے غور نال نظر کیتی بلکہ ہتھ لا تے ڈِٹھا۔

2 پطرس 1:19

اِیندے علاوہ ساڈے کولھ نبیاں دا او کلام ہے جیہڑا بالکل معتبر ہے۔ جے تُساں اُوندے اُتے خُوب دھیان ڈیؤ تاں چنگا کریسو، کیوں جو او ہِک چراغ ہے جیہڑا اندھاری جاہ ءچ روشنی ڈیندے جئیں تئیں سوجھلا نہ تھیوے تے سویل دا تارہ تُہاڈے دِلاں ءچ نہ چمکے۔

لُوقا 16:17

پر اسمان تے زمین دا ٹَل ونجنڑ توریت دے ہِک شوشہ دے ٹَل ونجنڑ کنُوں بہُوں سوکھا ہے۔

اِفِسیوں 2:17

تے اُوں تُساں غیر قوم آلیاں کُوں جیہڑے کہیں ویلے اُوندے کنُوں دُور ہَوے تے یہُودیاں کُوں وی جیہڑے اُوندے نزدیک ہَن، ڈُوہائیں کُوں صُلح دی خوشخبری ڈِتی۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 1:1

ابتدا ءچ کلام ہا تے کلام خُدا دے نال ہا تے کلام خُدا ہا۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

1 پطرس 2:2

نویں پیدا تھئے بالاں وانگُوں خالص رُوحانی کھیر دی خواہش ءچ راہو تاں جو اُوندے ذریعے آپنڑی نجات ءچ ودھدے ونجو۔

1 پطرس 1:23

تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

طِطُس 1:3

پر ہُنڑ اُوں آپنڑے مقرر کیتے وقت اُتے آپنڑے کلام دی تبلیغ دے ذریعے اُونکُوں ظاہر کیتا۔ اِیں تبلیغ دا کم ساڈے نجات ڈیوݨ آلے خُدا دے حُکم نال میڈے سپُرد کیتا گئے۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

عبرانیوں 6:5

جِنہاں خُدا دے کلام دی چنگائی تے آوݨ آلے جہان دیاں قوتاں دا تجربہ کیتا ہا،

مُکاشفہ 14:6

وَل مَیں ہِک بئے فرشتے کُوں اسمان ءچ اُڈدے ڈِٹھا۔ اُوندے کولھ زمین دے راہنڑ آلیاں یعنی ہر قوم، قبیلے، اہل ِ زبان تے اُمت کُوں سُنڑاوݨ کیتے ابدی خوشخبری ہئی۔