1 پطرس 1:18 - کِتاب مُقدّس سرائیکی ترجمہ

¹⁸ کیوں جو تُساں جانڑدے ہیوے جو خُدا تُہاکُوں اُوں بے کار چال چلنڑ کنُوں مخلصی ڈِتی ہے جیہڑا تُہاکُوں پِیُو ڈاڈے تُوں مِلیا ہا۔ تے او مخلصی فانی چیزاں یعنی سونے چاندی دی قیمت نال نئیں تھئی،

1 پطرس 1:18 Referans Kwoze

1کُرِنتھِیوں 6:20

کیوں جو قیمت نال مُل گِھدے گئے ہیوے۔ بس آپنڑے بدن تُوں خُدا دا جلال ظاہر کرو۔

1کُرِنتھِیوں 7:23

تُساں قیمت ڈے تے مُل گِھدے گئے ہیوے، اِنساناں دے غُلام نہ بنڑو۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

گلتِیوں 1:4

یسُوع آپنڑے آپ کُوں ساڈے گُناہاں کیتے قُربان کر ڈِتا تاں جو او ساکُوں ساڈے خُدا تے باپ دی مرضی دے مطابق اِیں موجودہ بُرے زمانے کنُوں بچا گِھنے۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

رومیوں 1:21

بے شک او خُدا دے بارے ءچ جانڑدے تاں ہَن پر اُنہاں اُوندی خُدائی دے لائق اُوندی تمجید تے شُکرگزاری نہ کیتی بلکہ او فضول سوچاں ءچ پے گئے تے اُنہاں دے ناسمجھ دِلاں اُتے اندھارا چھا گِیا۔

1 پطرس 4:3

تُساں پہلے ای آپنڑی زندگی دا بہُوں وقت اُوہو کرݨ ءچ گُزار ڈِتے جیہڑا غیر قوماں کُوں پسند ہے یعنی شہوت پرستی، بُریاں خواہشاں، شراب پِیوݨ، نچنڑ گاوݨ، نشے بازی تے بُت پرستی ءچ، جیہڑا بہُوں مکرُوہ کم ہے۔

1 پطرس 1:7

تاں جو تُہاڈا ازمایا ہویا اِیمان جیہڑا بھاہ نال خالص کیتے ہوئے فانی سونے تُوں وی بہُوں قیمتی ہے، اصلی ثابت تھی ونجے تے یسُوع مسیح دے ظہور دے ڈینہہ تعریف، جلال تے عزت مِلنڑ دا سبب ہووے۔

1کُرِنتھِیوں 3:20

تے ایہ وی جو ”رب جانڑدے جو عقلمنداں دیاں سوچاں بےکار ہوندیاں ہِن۔“

عبرانیوں 9:12

او بکریاں تے وچھیاں دا خون گِھن تے نئیں بلکہ آپنڑا خون گِھن تے ہِکے پھیری سبھ تُوں مُقدّس جاہ ءچ داخل تھی گِیا تے ساکُوں ایجھی مخلصی ڈِتی جیہڑی ہمیشاں کیتے ہے۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

مرقس 8:37

بندہ آپنڑی جان دے بدلے کیا ڈیسی؟