1 پطرس 1:1 - کِتاب مُقدّس سرائیکی ترجمہ

¹ ایہ خط میں پطرس دی طرفوں ہے جیہڑا یسُوع مسیح دا رسُول ہاں، خُدا دے اُنہاں چُنڑے ہوئے لوکاں دے ناں جیہڑے پردیسیاں آلی کار پُنطُس، گلِتیہ، کپَدُکیہ، آسِیہ تے بتُھنیہ ءچ جاہ جاہ تے راہندے ہِن۔

1 پطرس 1:1 Referans Kwoze

یعقُوب 1:1

ایہ خط میں یعقُوب دی طرفوں ہے جیہڑا خُدا دا تے خُداوند یسُوع مسیح دا خادم ہاں، بنی اِسرائیل دے بارہاں قبیلیاں کُوں جیہڑے غیر یہُودی قوماں ءچ تِتربِتر تھی گئے ہِن، سلام پُجے۔

عبرانیوں 11:13

ایہ سارے لوک اِیمان رکھیندے ہوئے مر گئے تے وعدہ کیتیاں ہوئیاں چیزاں نہ پاتیاں، بلکہ صرف دُور کنُوں ای ڈیکھ تے خوش تھئے، تے اِقرار کیتا جو اساں زمین اُتے پردیسی تے مسافر ہیں۔

اِفِسیوں 2:19

بس ہُنڑ تُساں پردیسی تے اجنبی نئیں ریہے بلکہ خُدا دے مُقدّساں دے ہم وطن تے خُدا دے گھرانڑے دے لوک بنڑ گئے ہیوے۔

اعمال 8:4

بس جیہڑے تِتربِتر تھئے ہَن او جاہ جاہ کلام دی خوشخبری سُنڑیندے ریہے۔

یُوحنّا 11:52

تے نہ صرف یہُودی قوم کیتے بلکہ اِیں واسطے وی جو خُدا دے فرزنداں کُوں جیہڑے تِتربِتر تھی گئے ہَن جمع کر تے ہِک کر ڈیوے۔

متّی 24:22

جے او ڈینہہ گھٹ نہ کیتے ویندے تاں کوئی بندہ زندہ نہ بچدا، پر خُدا دے چُنڑے ہوئے لوکاں دی خاطر او ڈینہہ گھٹائے ویسن۔

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

اِفِسیوں 2:12

اُوں ویلے تُساں مسیح کنُوں جُدا، بنی اِسرائیل دے غیر شہری، اُنہاں نال کیتے ہوئے عہداں دے وعدیاں کنُوں اَݨسُوویں تے دُنیا ءچ نا اُمید تے خُدا کنُوں ناواقف ہَوے۔

2کُرِنتھِیوں 1:8

بِھراؤ! اساں نئیں چاہندے جو تُساں اُوں مُصیبت کنُوں بے خبر راہو جیہڑی آسِیہ ءچ ساڈے اُتے آئی۔ ایہ مُصیبت اِتنی شدید تے ساڈی برداشت کنُوں باہر ہئی جو اساں تاں زندگی کنُوں وی ہتھ دھو بیٹھے ہسے۔

اعمال 18:2

تے اُتھاں اُونکُوں ہِک یہُودی مِلیا جِیندا ناں اَکوِلہ ہا۔ او پُنطُس دا راہنڑ آلا ہا تے آپنڑی ذال پرسکِلہ نال نواں نواں اِطالِیہ تُوں آیا ہا کیوں جو کلَودِیُس شہنشاہ حُکم ڈِتا ہا جو سارے یہُودی روم شہر ءچوں نِکل ونجنڑ۔ بس پولُس اُنہاں کولھ گِیا،

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

2 تِیمُتھِیُس 1:15

تُوں جانڑدا ہیں جو آسِیہ صوبے ءچ سارے لوکاں میکُوں چھوڑ ڈِتے۔ اُنہاں ءچ فُوگلُس تے ہرمُگِنیُس وی شامل ہِن۔

گلتِیوں 1:2

تے او سارے مسیحی بِھرا وی جیہڑے میڈے نال ہِن، گلِتیہ دی کلیسیاواں کُوں سلام آدھن۔

1کُرِنتھِیوں 16:19

آسِیہ دیاں کلیسیاواں تُہاکُوں سلام آدھیاں ہِن۔ اَکوِلہ تے پرسِکہ، اُوں کلیسیا سمیت جیہڑی اُنہاں دے گھر ءچ جمع تھیندی ہے، تُہاکُوں خُداوند دے ناں ءچ بہُوں بہُوں سلام آدھے ہِن۔

اعمال 19:10

ایہ سلسلہ ڈُو سال تئیں چلدا ریہا، اِتُھوں تئیں جو آسِیہ ءچ راہنڑ آلیاں بھانویں یہُودی بھانویں یُونانی، سبھ خُداوند دا کلام سُنڑیا۔

اعمال 18:23

انطاکِیہ ءچ کُجھ عرصہ گُزارݨ تُوں بعد پولُس اُتھوں روانہ تھیّا تے گلِتیہ تے فروگیہ دے سارے علاقیاں ءچوں لنگھدے ہوئے سبھ شاگرداں دے اِیمان کُوں مضبوط کریندا گِیا۔

اعمال 6:9

کُرینی، اِسکندرِیہ، کلکیہ تے آسِیہ دے کُجھ لوک اُوں عبادت خانہ دے ہَن جیہڑا آزاد کیتے گئے غُلاماں دا اکھویندے۔ او ستِفُنس نال بحث کرݨ لگے۔

یُوحنّا 7:35

یہُودی آپس ءچ آکھنڑ لگے، ”ایہ کِتھاں ویسی جو اساں اُونکُوں گولھ نہ سگسوں؟ کیا او اُنہاں دے کولھ جیہڑے یُونانیاں ءچ اِڈے اُڈے وسدے ہِن چلیا ویسی تے یُونانیاں کُوں تعلیم ڈیسی؟

متّی 10:2

بارہاں رسُولاں دے ناں ایہ ہِن۔ پہلا شمعون جیہڑا پطرس اکھویندے تے اُوندا بِھرا اندریاس، زبدی دا پوتر یعقُوب تے اُوندا بِھرا یُوحنّا،

متّی 4:18

گلیل دی جھیل دے کنارے اُتے ٹُردے ہوئے یسُوع ڈُو بِھرانواں، شمعون جیہڑا پطرس اکھویندا ہا تے اُوندے بِھرا اندریاس، کُوں جھیل ءچ جال سٹیندے ڈِٹھا کیوں جو او مچھیرے ہَن۔

لُوقا 18:7

تاں وَل کیا خُدا آپنڑے چُنڑے ہوئے لوکاں دا اِنصاف نہ کریسی جیہڑے ڈینہہ رات اُوں کنُوں فریاد کریندے ہِن؟ تے کیا او اُنہاں دی مدد ءچ دیر کریسی؟