1 یُوحنّا 5:14 - کِتاب مُقدّس سرائیکی ترجمہ

¹⁴ ساکُوں خُدا اُتے ایہ اعتماد ہے جو اساں جیہڑا کُجھ اُوندی مرضی دے مطابق منگدے ہیں، او ساڈی سُنڑدے۔

1 یُوحنّا 5:14 Referans Kwoze

یُوحنّا 14:13

تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

یُوحنّا 15:7

جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

متّی 21:22

تے جیہڑا کُجھ تُساں دُعا ءچ اِیمان نال منگسو او تُہاکُوں مِلسی۔“

یعقُوب 4:3

تے جِیں ویلے منگدے ہیوے تاں مِلدا نئیں کیوں جو بُری نیّت نال منگدے ہیوے تاں جو آپنڑیاں نفسانی خواہشاں کُوں پُورا کر سگو۔

یُوحنّا 9:31

اساں جانڑدے ہیں جو خُدا گُنہگاراں دی نئیں سُنڑدا پر جے کوئی خُدا دا خوف رکھے تے اُوندی مرضی اُتے چلے تاں او اُوندی سُنڑدے۔

اِفِسیوں 3:12

ہُنڑ مسیح ءچ تے مسیح اُتے اِیمان رکھ تے اساں دلیری تے اعتماد نال خُدا دے کولھ آ سگدے ہیں۔

یُوحنّا 16:24

ہُنڑ تئیں تُساں میڈے ناں تُوں کُجھ نئیں منگیا۔ منگسو تاں مِلسی تاں جو تُہاڈی خوشی پُوری تھیوے۔

1 یُوحنّا 2:28

ہُنڑ پیارے بالو! مسیح ءچ قائم راہو تاں جو جِیں ویلے او ظاہر تھیوے تاں ساکُوں اعتماد ہووے تے اُوندے آوݨ اُتے اساں اُوندے سامنڑے شرمندہ نہ تھیؤں۔

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

عبرانیوں 10:35

بس ہِمت نہ ہارو کیوں جو اِیندا اجر وڈا ہے۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

یُوحنّا 11:42

مَیں جانڑدا ہاں جو تُوں ہمیشاں میڈی سُنڑدا ہیں پر مَیں اِنہاں لوکاں دی خاطر جیہڑے اِتھاں کھڑے ہِن، ایہ آکھیا تاں جو او اِیمان گِھن آوݨ جو تَیں ای میکُوں بھیجیا ہے۔“

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔