1 یُوحنّا 4:6 - کِتاب مُقدّس سرائیکی ترجمہ

⁶ پر اساں خُدا کنُوں ہیں تے جیہڑا کوئی خُدا کُوں جانڑدے او ساڈی سُنڑدے۔ پر جیہڑا خُدا کنُوں نئیں او ساڈی نئیں سُنڑدا۔ اِینویں اساں سچائی دی رُوح تے گُمراہ کرݨ آلی رُوح ءچ فرق کر سگدے ہیں۔

1 یُوحنّا 4:6 Referans Kwoze

یُوحنّا 14:17

یعنی سچائی دا رُوح، جِینکُوں دُنیا حاصل نئیں کر سگدی کیوں جو نہ تاں اُونکُوں ڈیدھی ہے نہ جانڑدی ہے۔ پر تُساں اُونکُوں جانڑدے ہیوے کیوں جو او تُہاڈے نال راہندے تے تُہاڈے اندر ہوسی۔

یُوحنّا 10:27

میڈیاں بھیڈاں میڈی اواز سُنڑدیاں ہِن تے مَیں اُنہاں کُوں جانڑدا ہاں تے او میڈے پِچُھوں پِچُھوں ٹُردیاں ہِن۔

یُوحنّا 15:26

پر جِیں ویلے او مددگار آسی جِینکُوں مَیں تُہاڈے کولھ باپ دی طرفوں بھجیساں، یعنی سچائی دا رُوح جیہڑا باپ دی طرفوں صادر تھیندا ہے تاں او میڈی گواہی ڈیسی۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

یُوحنّا 18:37

پِیلاطُس اُونکُوں آکھیا، ”بس کیا تُوں بادشاہ ہیں؟“ یسُوع جواب ڈِتا، ”تُوں خود آدھیں جو مَیں بادشاہ ہاں۔ مَیں اِیں واسطے پیدا تھیّا تے اِیں مقصد نال دُنیا ءچ آیا ہاں جو سچائی دی گواہی ڈیواں۔ جیہڑا کوئی سچائی دا طرفدار ہے، او میڈی اواز سُنڑدے۔“

1کُرِنتھِیوں 14:37

جے کوئی آپنڑے آپ کُوں نبی یا رُوحانی سمجھے تاں اُونکُوں پتہ ہوونڑاں چاہیدے جو جیہڑا کُجھ مَیں لِکھدا ہاں خُداوند دا حُکم ہے۔

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

یُوحنّا 16:13

پر جِیں ویلے او، یعنی سچائی دا رُوح آسی تاں او پُوری سچائی دو تُہاڈی راہنمائی کریسی۔ کیوں جو او آپنڑی طرفوں کُجھ نہ اکھیسی بلکہ تُہاکُوں صرف اُوہو ڈسیسی جیہڑا کُجھ او سُنڑسی تے تُہاکُوں آوݨ آلے گالھیں دی خبر ڈیسی۔

1 یُوحنّا 4:8

پر جیہڑا محبت نئیں رکھیندا او خُدا کُوں نئیں جانڑدا کیوں جو خُدا محبت ہے۔

1 تِیمُتھِیُس 4:1

پر رُوح القُدس صاف فرمیندے جو آوݨ آلے ڈینہاں ءچ کُجھ لوک مسیحی اِیمان کنُوں مُنہ پھیر تے گُمراہ کرݨ آلیاں رُوحاں تے شیطانی تعلیم دی پیروی کریسن۔

یُوحنّا 13:20

مَیں تُہاکُوں سچ آدھا ہاں جو جیہڑا میڈے بھیجے ہوئے کُوں قبول کریندے او میکُوں قبول کریندے تے جیہڑا میکُوں قبول کریندے او میڈے بھیجنڑ آلے کُوں قبول کریندے۔“

یُوحنّا 8:19

اُنہاں پُچھیا، ”تیڈا باپ کِتھاں ہے؟“ یسُوع جواب ڈِتا، ”نہ تُساں میکُوں جانڑدے ہیوے، نہ ای میڈے باپ کُوں۔ جے میکُوں جانڑدے تاں میڈے باپ کُوں وی جانڑدے۔“

لُوقا 10:22

میڈے باپ دی طرفوں سارا کُجھ میڈے سپُرد کیتا گِیا ہے تے کوئی نئیں جانڑدا جو پوتر کوݨ ہے سِوا باپ دے۔ تے کوئی نئیں جانڑدا جو باپ کوݨ ہے سِوا پوتر دے تے سِوا اُوں بندے دے جیندے اُتے پوتر اُونکُوں ظاہر کرݨ چاہندے۔“

یہُوداہ 1:17

پر عزیزو! اُنہاں گالھیں کُوں یاد رکھو جیہڑیاں ساڈے خُداوند یسُوع مسیح دے رسُول پہلے ای آکھ چُکے ہِن۔

2 پطرس 3:2

مَیں چاہندا ہاں جو تُساں پاک نبیاں دیاں پیشن گوئیاں تے ساڈے خُداوند تے نجات ڈیوݨ آلے دے حُکم کُوں یاد رکھو جیہڑا اساں رسُولاں دے ذریعے تُہاڈے تئیں پُجیا ہے۔

2کُرِنتھِیوں 10:7

تُساں ظاہری چیزاں اُتے غور کریندے ہیوے۔ جے کہیں کُوں آپنڑے آپ اُتے ایہ بھروسا ہے جو او مسیح دا ہے تاں اُونکُوں ایہ وی سوچ گِھننڑاں چاہیدے جو جِینویں او مسیح دا ہے اُونویں ای اساں وی ہیں۔

رومیوں 11:8

جِینویں جو لِکھیا ہے جو ”خُدا اُنہاں کُوں سُست طبیعت ڈِتی تے ایجھے اکھیں جیہڑیاں نہ ڈیکھنڑ تے ایجھے کَن جیہڑے نہ سُنڑݨ تے اَج تئیں او اِینویں ای ہِن۔“

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

یُوحنّا 20:21

یسُوع اُنہاں کُوں ولا آکھیا، ”تُہاڈی سلامتی ہووے! جِینویں باپ میکُوں بھیجیا ہے، اُونویں ای مَیں تُہاکُوں بھجیندا ہاں۔“

یُوحنّا 10:16

میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

یُوحنّا 8:23

یسُوع اُنہاں کُوں آکھیا، ”تُساں زمین اُتے راہنڑ آلے ہیوے پر مَیں اسمان کنُوں ہاں۔ تُساں اِیں دُنیا دے ہیوے پر مَیں اِیں دُنیا دا نئیں۔

یُوحنّا 10:3

چوکیدار اُوندے کیتے دروازہ کھولیندے تے بھیڈاں اُوندی اواز سُنڑدیاں ہِن۔ او آپنڑی ہر بھیڈ دا ناں گِھن تے اُنہاں کُوں سڈیندے تے اُنہاں کُوں باہر گِھن ویندے۔

1 یُوحنّا 5:19

اساں جانڑدے ہیں جو اساں خُدا دے فرزند ہیں، تے ایہ وی جو ساری دُنیا ابلیس دے قبضہ ءچ ہے۔