1 یُوحنّا 4:17 - کِتاب مُقدّس سرائیکی ترجمہ

¹⁷ اِینویں محبت ساڈے ءچ کامِل تھی گئی ہے، تاں جو عدالت دے ڈینہہ ساکُوں دلیری ہووے کیوں جو جِینویں مسیح ہے، اُونویں ای اساں وی اِیں دُنیا ءچ ہیں۔

1 یُوحنّا 4:17 Referans Kwoze

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔

1 یُوحنّا 2:28

ہُنڑ پیارے بالو! مسیح ءچ قائم راہو تاں جو جِیں ویلے او ظاہر تھیوے تاں ساکُوں اعتماد ہووے تے اُوندے آوݨ اُتے اساں اُوندے سامنڑے شرمندہ نہ تھیؤں۔

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔

1 یُوحنّا 2:5

پر جیہڑا اُوندے کلام اُتے عمل کریندے تاں اُوندے ءچ خُدا دی محبت یقیناً کامِل تھی گئی ہے۔ اِیں تُوں ساکُوں پتہ چلدے جو اساں اُوندی رفاقت ءچ ہیں۔

رومیوں 8:29

کیوں جو جِنہاں کُوں خُدا پہلے کنُوں جانڑیا، اُنہاں کُوں اُوں پہلے کنُوں مقرر وی کیتا جو او اُوندے پوتر آلی کار بنڑݨ تاں جو اُوندا پوتر بہُوں سارے بِھرانواں ءچوں پلیٹھی دا ہووے۔

یُوحنّا 15:20

او گالھ یاد رکھو جیہڑی مَیں تُہاکُوں ڈسائی ہئی جو نوکر آپنڑے مالک کنُوں وڈا نئیں ہوندا۔ جے اُنہاں میکُوں ستایا ہے تاں او تُہاکُوں وی ستیسن۔ جے اُنہاں میڈی گالھ اُتے عمل کیتا تاں تُہاڈی گالھ اُتے وی عمل کریسن۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔

2 پطرس 3:7

تے موجودہ اسمان تے زمین خُدا دے کلام دے وسیلہ نال بھاہ ءچ ساڑے ونجنڑ کیتے رکھے گئے ہِن۔ او بے دیناں دی عدالت تے ہلاکت دے ڈینہہ تئیں محفوظ راہسن۔

2 پطرس 2:9

تاں ظاہر ہے جو خُداوند دیندار لوکاں کُوں ازمائش تُوں بچاوݨ تے بے دین لوکاں کُوں عدالت دے ڈینہہ تئیں سزا ءچ رکھنڑ جانڑدے

یعقُوب 2:22

تُساں ڈیکھ سگدے ہیوے جو اُوندے اِیمان اُوندے اعمال نال رَل تے کم کیتا تے اعمال دے ذریعے اِیمان کامِل تھی گِیا۔

متّی 12:36

تے مَیں تُہاکُوں آدھا ہاں جو عدالت دے ڈینہہ لوکاں کُوں ہر نکمی گالھ دا حساب ڈیونڑاں پوسی۔

متّی 11:24

پر مَیں تُہاکُوں آدھا ہاں جو عدالت دے ڈینہہ سدُوم دا حال تَیں کنُوں زیادہ برداشت دے لائق ہوسی۔“

متّی 11:22

پر مَیں تُہاکُوں آدھا ہاں جو عدالت دے ڈینہہ صور تے صیدا دا حال تُہاڈے حال کنُوں زیادہ برداشت دے لائق ہوسی۔

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

متّی 10:15

مَیں تُہاکُوں سچ آدھا ہاں جو عدالت دے ڈینہہ سدُوم تے عمُورہ دے علاقے دا حال اُوں شہر دے حال کنُوں زیادہ برداشت دے لائق ہوسی۔

یعقُوب 2:13

کیوں جو جئیں رحم نئیں کیتا، اُوندا اِنصاف بغیر رحم دے کیتی ویسی پر رحم اِنصاف اُتے غالب آندے۔

یُوحنّا 17:22

تے او جلال جیہڑا تَیں میکُوں ڈِتے، مَیں اُنہاں کُوں ڈِتے تاں جو او ہِک ہووݨ جِینویں اساں ہِک ہیں۔

عبرانیوں 9:27

تے جِینویں اِنسان دا ہِک پھیری مرݨ تے اُوندے بعد عدالت دا تھیوݨ مقرر ہے،

1 یُوحنّا 2:6

جیہڑا کوئی آدھے جو میں خُدا ءچ قائم ہاں تاں اُونکُوں چاہیدے جو او وی اُونویں ای زندگی گُزارے جِینویں مسیح گُزاری۔

1 یُوحنّا 3:7

بالو! کہیں دے دوکھے ءچ نہ اوائے۔ جیہڑا کوئی نیک کم کریندے، او نیک ہے جِینویں مسیح نیک ہے۔