1 یُوحنّا 4:15 - کِتاب مُقدّس سرائیکی ترجمہ

¹⁵ جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

1 یُوحنّا 4:15 Referans Kwoze

1 یُوحنّا 5:5

دُنیا اُتے کوݨ غالب آندے؟ صرف اُوہو جِیندا اِیمان ہے جو یسُوع خُدا دا پوتر ہے۔

رومیوں 10:9

جے تُوں آپنڑی زبان نال اِقرار کریں جو یسُوع خُداوند ہے تے آپنڑے دل نال اِیمان گِھن آویں جو خُدا اُونکُوں مُردیاں ءچوں زندہ کیتے تاں نجات پا گِھنسیں۔

متّی 10:32

بس جیہڑا کوئی لوکاں دے سامنڑے میڈا اِقرار کریسی مَیں وی آپنڑے باپ دے سامنڑے جیہڑا اسمان اُتے ہے اُوندا اِقرار کریساں۔

1 یُوحنّا 4:2

تُساں خُدا دے رُوح القُدس کُوں اِینویں پچھاݨ سگدے ہیوے جو جیہڑی رُوح ایہ اِقرار کرے جو یسُوع مسیح اِنسانی جسم ءچ آئے، او خُدا دی طرفوں ہے۔

1 یُوحنّا 3:24

جیہڑا کوئی خُدا دے حُکماں اُتے عمل کریندے، او خُدا ءچ قائم راہندے تے خُدا اُوندے ءچ۔ تے اساں جانڑدے ہیں جو خُدا ساڈے ءچ اُوں رُوح القُدس دے ذریعے جیہڑا اُوں ساکُوں بخشیا ہے، قائم راہندے۔

فِلِپّیوں 2:11

تے ہر زبان خُدا باپ دے جلال کیتے اِقرار کرے جو یسُوع مسیح ای خُداوند ہے۔

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

لُوقا 12:8

مَیں تُہاکُوں آدھا ہاں جو جیہڑا کوئی لوکاں دے سامنڑے میڈا اِقرار کریسی، اِبنِ آدم وی خُدا دے فرشتیاں دے سامنڑے اُوندا اِقرار کریسی۔

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

1 یُوحنّا 2:23

جیہڑا کوئی پوتر دا اِنکار کریندے، اُوندے کولھ باپ وی نئیں تے جیہڑا پوتر دا اِقرار کریندے، اُوندے کولھ باپ وی ہے۔

1 یُوحنّا 2:24

او پیغام جیہڑا تُساں شروع کنُوں سُنڑدے آئے ہیوے، تُہاڈے دل ءچ قائم راہوے۔ جے او پیغام تُہاڈے ءچ قائم راہوے تاں تُساں وی باپ تے اُوندے پوتر ءچ قائم راہسو۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

اعمال 8:37

[فِلپُس آکھیا جو ”جے تُساں دل تے جان نال اِیمان رکھیندے ہیوے تاں بپتسمہ گِھن سگدے ہیوے۔“ اُوں جواب ڈِتا، ”مَیں اِیمان رکھیندا ہاں جو یسُوع مسیح خُدا دا پوتر ہے۔“]