1 یُوحنّا 4:11 - کِتاب مُقدّس سرائیکی ترجمہ

¹¹ عزیزو! جڈاں خُدا ساڈے نال ایجھی محبت کیتی تاں ساکُوں وی چاہیدے جو اساں وی ہِک ڈُوجھے نال محبت رکھوں۔

1 یُوحنّا 4:11 Referans Kwoze

کلُسِّیوں 3:13

ہِک ڈُوجھے دی برداشت کرو تے جے کوئی شکایت ہووے تاں ہِک ڈُوجھے کُوں معاف کرو۔ جِینویں خُداوند تُہاکُوں معاف کیتے، اُونویں ای تُساں وی معاف کرو۔

یُوحنّا 13:34

مَیں تُہاکُوں ہِک نواں حُکم ڈیندا ہاں جو تُساں ہِک ڈُوجھے نال محبت رکھو۔ جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

لُوقا 10:37

اُوں آکھیا، ”او جئیں اُوندے اُتے رحم کیتا۔“ یسُوع اُونکُوں آکھیا، ”وَنج، تُوں وی اِینویں ای کر۔“

اِفِسیوں 4:31

ہر قِسم دی نفرت، قہر، تکرار، بدگوئی تے بُرائی کُوں آپنڑے ءچوں کڈھ ڈیؤ۔

1 یُوحنّا 2:7

عزیزو! مَیں تُہاکُوں کوئی نواں حُکم نئیں لِکھیندا پِیا بلکہ اُوہو پُرانڑا حُکم جیہڑا شروع کنُوں تُہاکُوں مِلیا ہے۔ ایہ پُرانڑا حُکم اُوہو پیغام ہے جیہڑا تُساں سُنڑ گِھدے۔

1 یُوحنّا 3:11

ایہ اُوہو پیغام ہے جیہڑا تُساں شروع کنُوں سُنڑیا ہے جو ہِک ڈُوجھے نال محبت رکھو۔

1 یُوحنّا 4:7

عزیزو! آؤ اساں ہِک ڈُوجھے نال محبت رکھوں کیوں جو محبت خُدا دی طرفوں ہے تے جیہڑا کوئی محبت رکھیندے، او خُدا دا فرزند ہے تے خُدا کُوں جانڑدے۔

2 یُوحنّا 1:5

مَیں مِنت کریندا ہاں جو اساں سبھ ہِک ڈُوجھے نال محبت رکھوں۔ ایہ کوئی نواں حُکم نئیں جیہڑا میں لِکھدا پِیا ہاں، بلکہ اُوہو جیہڑا شروع کنُوں ساڈے کولھ ہے۔