1 یُوحنّا 4:10 - کِتاب مُقدّس سرائیکی ترجمہ

¹⁰ محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

1 یُوحنّا 4:10 Referans Kwoze

1 یُوحنّا 2:2

اُوہو ساڈے گُناہاں دا کفارہ ڈیوݨ آلا ہے تے نہ صرف ساڈے گُناہاں دا بلکہ ساری دُنیا دے گُناہاں دا وی۔

1 یُوحنّا 4:19

اساں اِیں واسطے محبت رکھیندے ہیں جو پہلے خُدا ساڈے نال محبت رکھی۔

یُوحنّا 15:16

تُساں میکُوں نئیں چُنڑیا بلکہ مَیں تُہاکُوں چُنڑیا تے مقرر کیتے جو تُساں وَنج تے پھل گِھن آؤ تے تُہاڈا پھل قائم راہوے، تاں جو جیہڑا کُجھ تُساں میڈے ناں تُوں باپ کنُوں منگو، او تُہاکُوں ڈیوے۔

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

یُوحنّا 6:51

مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

یُوحنّا 13:34

مَیں تُہاکُوں ہِک نواں حُکم ڈیندا ہاں جو تُساں ہِک ڈُوجھے نال محبت رکھو۔ جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

1 یُوحنّا 5:11

تے او گواہی ایہ ہے جو خُدا ساکُوں ہمیشاں دی زندگی ڈِتی تے ایہ زندگی اُوندے پوتر ءچ ہے۔