1 یُوحنّا 4:1 - کِتاب مُقدّس سرائیکی ترجمہ

¹ عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

1 یُوحنّا 4:1 Referans Kwoze

1تھِسّلُنیکیوں 5:21

بلکہ ہر گالھ کُوں ازماؤ۔ جیہڑی چنگی ہووے اُونکُوں پکڑی راہو۔

2 پطرس 2:1

پر جِینویں بنی اِسرائیل ءچ کُوڑے نبی وی ہَن، اُونویں ای تُہاڈے ءچ وی کُوڑے اُستاد ہوسن۔ او چلاکی نال ہلاک کرݨ آلیاں بِدعتاں کِھنڈیسن، بلکہ آپنڑے اُوں مالک دا اِنکار کریسن جئیں اُنہاں کُوں مُل گِھدا ہا۔ ایجھے کماں نال او آپنڑے اُتے جلد ہلاکت گِھن آسن۔

1 تِیمُتھِیُس 4:1

پر رُوح القُدس صاف فرمیندے جو آوݨ آلے ڈینہاں ءچ کُجھ لوک مسیحی اِیمان کنُوں مُنہ پھیر تے گُمراہ کرݨ آلیاں رُوحاں تے شیطانی تعلیم دی پیروی کریسن۔

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

1کُرِنتھِیوں 14:29

نبیاں ءچوں ڈُو یا ترے کلام کرݨ تے باقی اُنہاں دے کلام کُوں پرکھنڑ۔

1 یُوحنّا 2:18

بالو! ایہ دُنیا دا آخری ویلا ہے۔ جِینویں تُساں سُنڑیا ہے جو مسیح دا مخالف آوݨ آلا ہے، اُوندے مطابق ہُنڑ مسیح دے بہُوں سارے مخالف اُٹھی کھڑے تھئے ہِن۔ اِیں تُوں ساکُوں پتہ چلدے جو آخری ویلا آ گئے۔

لُوقا 12:57

تُساں خود ای فیصلہ کیوں نئیں کر گِھندے جو ٹھیک کیا ہے؟

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

2 تِیمُتھِیُس 3:13

تے بدکار تے دوکھے باز لوک فریب ڈیندے ڈیندے تے فریب کھاندے کھاندے وِگڑدے ویسن۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

اعمال 20:29

مَیں ایہ جانڑدا ہاں جو میڈے ونجنڑ دے بعد پھاڑ ڈیوݨ آلے نہر تُہاڈے وچال آ ویسن تے اِجڑ کُوں نہ چُھڑیسن۔

مرقس 13:21

اُوں ویلے جے کوئی تُہاکُوں آکھے جو ’ڈیکھو المسیح اِتھاں ہے‘ یا ’اُتھاں ہے‘ تاں یقین نہ کرائے۔

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

1تھِسّلُنیکیوں 5:20

نبُوّتاں دی حقارت نہ کرو،

2تھِسّلُنیکیوں 2:2

جو جڈاں لوک دعویٰ کرݨ جو کہیں اِلہام یا پیغام تُوں یا ساڈی طرفوں کہیں خط تُوں پتا چلے جو خُداوند دے واپس آوݨ دا ڈینہہ آ گئے تاں تُساں پریشان نہ تھیوائے تے نہ گھبرائے۔

1 یُوحنّا 2:7

عزیزو! مَیں تُہاکُوں کوئی نواں حُکم نئیں لِکھیندا پِیا بلکہ اُوہو پُرانڑا حُکم جیہڑا شروع کنُوں تُہاکُوں مِلیا ہے۔ ایہ پُرانڑا حُکم اُوہو پیغام ہے جیہڑا تُساں سُنڑ گِھدے۔

3 یُوحنّا 1:11

میڈے عزیز! بُرائی دی نئیں بلکہ نیکی دی راہ اُتے ٹُر۔ نیکی کرݨ آلا خُدا تُوں ہے تے جیہڑا بُرائی کریندے، اُوں خُدا کُوں اصلُوں نئیں پچھانڑیا۔