1 یُوحنّا 3:23 - کِتاب مُقدّس سرائیکی ترجمہ

²³ تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

1 یُوحنّا 3:23 Referans Kwoze

یُوحنّا 13:34

مَیں تُہاکُوں ہِک نواں حُکم ڈیندا ہاں جو تُساں ہِک ڈُوجھے نال محبت رکھو۔ جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

یُوحنّا 15:12

میڈا حُکم ایہ ہے جو جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

یُوحنّا 6:29

یسُوع جواب ڈِتا، ”خُدا دا کم ایہ ہے جو جِینکُوں اُوں بھیجیا ہے، اُوندے اُتے اِیمان گِھن آؤ۔“

1 پطرس 4:8

سبھ تُوں اہم گالھ تاں ایہ ہے جو آپس ءچ گھاٹی محبت رکھو کیوں جو محبت بہُوں سارے گُناہاں اُتے پڑدہ پا ڈیندی ہے۔

1 یُوحنّا 3:11

ایہ اُوہو پیغام ہے جیہڑا تُساں شروع کنُوں سُنڑیا ہے جو ہِک ڈُوجھے نال محبت رکھو۔

1 یُوحنّا 4:21

ساکُوں تاں اُوندی طرفوں ایہ حُکم مِلیا ہے جو جیہڑا کوئی خُدا نال محبت رکھیندے، او آپنڑے بِھرا نال وی محبت رکھے۔

1تھِسّلُنیکیوں 4:9

ہُنڑ برادرانہ محبت دے بارے ءچ کُجھ لِکھنڑ دی ضرورت نئیں کیوں جو خُدا خود تُہاکُوں ہِک ڈُوجھے نال محبت کرݨ سِکھائے،

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

مرقس 9:7

وَل ہِک بدّل اُنہاں اُتے چھاں کر ڈِتی تے اُوں بدّل ءچوں اواز آئی جو ”ایہ میڈا پیارا پوتر ہے، اِیندی سُنڑو۔“

متّی 22:39

تے ڈُوجھا اِیندے وانگُوں ایہ ہے جو آپنڑے ہمسائے نال آپنڑے وانگُوں محبت رکھ۔

اعمال 16:31

اُنہاں جواب ڈِتا، ”خُداوند یسُوع مسیح اُتے اِیمان گِھن آ تاں تُوں تے تیڈا خاندان نجات پے سی۔“

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 14:1

”تُہاڈا دل نہ گھبراوے۔ تُساں خُدا اُتے اِیمان رکھیندے ہیوے، میڈے اُتے وی اِیمان رکھو۔

1 تِیمُتھِیُس 1:15

ایہ گالھ سچ تے ہر لحاظ نال قبول کرݨ دے لائق ہے جو ”مسیح یسُوع گُنہگاراں کُوں نجات ڈیوݨ کیتے دُنیا ءچ آیا،“ جِنہاں ءچوں سبھ تُوں وڈا گُنہگار مَیں ہاں۔

یُوحنّا 1:12

پر جِتنیاں اُونکُوں قبول کیتا یعنی جیہڑے اُوندے ناں اُتے اِیمان گِھن آئے ہِن، اُوں اُنہاں کُوں خُدا دے فرزند بنڑݨ دا حق بخشیا۔

یُوحنّا 2:23

جِیں ویلے یسُوع فسح دی عید کیتے یروشلیم ءچ ہا تاں بہُوں سارے لوک اُوندے معجزے ڈیکھ تے اُوندے اُتے اِیمان گِھن آئے،

یُوحنّا 3:18

جیہڑا اُوندے اُتے اِیمان گِھن آندے اُوندے اُتے سزا دا حُکم نئیں تھیندا، پر جیہڑا اُوندے اُتے اِیمان نئیں گِھن آندا اُوندے اُتے سزا دا حُکم تھی گئے، اِیں واسطے جو او خُدا دے اِکلوتے پوتر دے ناں اُتے اِیمان نئیں گِھن آیا۔

1 یُوحنّا 2:7

عزیزو! مَیں تُہاکُوں کوئی نواں حُکم نئیں لِکھیندا پِیا بلکہ اُوہو پُرانڑا حُکم جیہڑا شروع کنُوں تُہاکُوں مِلیا ہے۔ ایہ پُرانڑا حُکم اُوہو پیغام ہے جیہڑا تُساں سُنڑ گِھدے۔

1 یُوحنّا 4:15

جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

1 یُوحنّا 5:13

مَیں تُہاکُوں جیہڑے خُدا دے پوتر دے ناں اُتے اِیمان گِھن آئے ہیوے، ایہ گالھیں اِیں واسطے لِکھیاں ہِن جو تُساں جاݨ گِھنو جو تُہاڈے کولھ ہمیشاں دی زندگی ہے۔