1 یُوحنّا 3:15 - کِتاب مُقدّس سرائیکی ترجمہ

¹⁵ جیہڑا کوئی آپنڑے بِھرا نال دُشمنڑی رکھیندے، او خونی ہے۔ تے تُساں جانڑدے ہیوے جو کہیں خونی ءچ ہمیشاں دی زندگی نئیں ہوندی۔

1 یُوحنّا 3:15 Referans Kwoze

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

اعمال 23:14

بس او سردار کاہِناں تے بزُرگاں دے کولھ گئے تے آکھنڑ لگے جو ”اساں لعنت دی قَسم کھادی ہے جو پولُس کُوں قتل کرݨ تُوں پہلے کُجھ نہ کھاسوں۔

یعقُوب 1:15

وَل خواہش حاملہ تھی تے گُناہ پیدا کریندی ہے تے گُناہ بالغ تھی تے موت پیدا کریندے۔

اعمال 23:12

سویل نال یہُودیاں رَل تے فیصلہ کیتا تے لعنت دی قَسم کھادی جو ”جیہڑے ویلے تئیں اساں پولُس کُوں مار نہ گھتوں، اُوں ویلے تئیں نہ کُجھ کھاسوں، نہ کُجھ پِیسوں۔“

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

مرقس 6:19

اِیں واسطے ہیرودیاس اُوندے نال دُشمنڑی رکھیندی ہئی تے اُونکُوں قتل کراوݨ چاہندی ہئی پر اِینویں نہ تھی سگیا،

متّی 5:28

پر مَیں تُہاکُوں ایہ آدھا ہاں جو جئیں کہیں عورت کُوں بُری نِگاہ نال ڈِٹھا تاں اُوں آپنڑے دل ءچ اُوندے نال زِنا کر گِھدا۔

1 پطرس 1:23

تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

1 یُوحنّا 2:9

جیہڑا کوئی نُور ءچ ہووݨ دا دعویٰ کریندے، پر آپنڑے بِھرانواں نال دُشمنڑی رکھیندے، او حالی تئیں اندھارے ءچ ہے۔

1 یُوحنّا 2:11

پر جیہڑا آپنڑے بِھرانواں نال دُشمنڑی رکھیندے، او اندھارے ءچ ہے تے اندھارے ءچ ای ٹُردے۔ او نئیں جانڑدا جو کِتھاں ویندے کیوں جو اندھارے اُونکُوں اندھا کر ڈِتے۔