1 یُوحنّا 3:12 - کِتاب مُقدّس سرائیکی ترجمہ

¹² قائن وانگُوں نہ بنڑو جیہڑا ابلیس دا بندہ ہا تے جئیں آپنڑے بِھرا کُوں قتل کیتا۔ اُوں کیوں اُونکُوں قتل کیتا؟ اِیں واسطے جو اُوندے کم بُرے ہَن پر اُوندے بِھرا دے نیک۔

1 یُوحنّا 3:12 Referans Kwoze

عبرانیوں 11:4

اِیمان دی وجہ کنُوں ای ہابل خُدا کُوں قائن کنُوں بہتر قُربانی پیش کیتی۔ اُوندے اِیمان دی وجہ تُوں خُدا اُوندے نذرانے قبول کر تے گواہی ڈِتی جو ایہ راستباز ہے۔ تے بھانویں جو ہابل مر گئے، وَل وی او آپنڑے اِیمان دی مثال دے وسیلے نال ہُنڑ تئیں کلام کریندے۔

یہُوداہ 1:11

اِنہاں اُتے افسوس! کیوں جو ایہ قائن دے رستے اُتے ٹُرے تے بلعام وانگُوں پیسے دے لالچ ءچ لوکاں کُوں دوکھا ڈیندے ریہے تے قورح وانگُوں مخالفت کر تے ہلاک تھئے۔

لُوقا 11:51

ہابل دے خون کنُوں گِھن تے اُوں زکریاہ دے خون تئیں جیہڑا قُربان گاہ تے ہیکل دے وچال ہلاک تھیّا۔ مَیں تُہاکُوں سچ آدھا ہاں جو اِیں زمانے دے لوکاں کنُوں سبھ دا حساب گِھدا ویسی۔

متّی 23:35

اِینویں سارے نیک لوکاں دا خون جیہڑا زمین اُتے وہایا گِیا ہا، تُہاڈے اُتے آسی، راستباز ہابل دے خون تُوں گِھن تے برکیاہ دے پوتر زکریاہ دے خون تئیں جِینکُوں تُساں ہیکل تے قُربان گاہ دے وچال قتل کیتا۔

1 پطرس 4:4

تے ہُنڑ او لوک حیران تھیندن جو تُساں ایجھیاں سبھ بدکاریاں ءچ اُنہاں دا ساتھ نئیں ڈیندے، تے او تُہاکُوں بُرا بھلا آدھے ہِن۔

عبرانیوں 12:24

تُساں نویں عہد دے درمیانی یسُوع تے اُوندے اُوں چِھنڈکے ہوئے خون دے کولھ آئے ہیوے جیہڑا ہابل دے خون دی نسبت چنگا پیغام ڈیندا ہے۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔

اعمال 7:52

نبیاں ءچوں کِینکُوں تُہاڈے پِیُو ڈاڈا نئیں ستایا؟ اُنہاں تاں اُوں راستباز [یعنی المسیح] دے آوݨ دی خبر ڈیوݨ آلے کُوں قتل کر ڈِتا تے ہُنڑ تُساں اُوندے پکڑواوݨ آلے تے قاتل تھئے۔

یُوحنّا 10:32

یسُوع اُنہاں کُوں آکھیا، ”مَیں تُہاکُوں آپنڑے باپ دی طرفوں وڈے وڈے کم ڈِکھائے ہِن۔ تُساں اُنہاں ءچوں کیہڑے کم دی وجہ کنُوں میکُوں سنگسار کریندے ہیوے؟“

متّی 27:23

اُوں آکھیا، ”کیوں، اُوں کیہڑی بُرائی کیتی ہے؟“ پر او مزید شور مچا تے آکھنڑ لگے ”اِینکُوں صلیب اُتے چڑھاؤ۔“

متّی 13:38

رَڑھ دُنیا ہے تے چنگا بیج بادشاہی دے فرزند تے کڑوے دانڑے اُوں شریر دے فرزند ہِن۔

متّی 13:19

جِیں ویلے کوئی بادشاہی دا کلام سُنڑدے پر سمجھدا نئیں تاں شیطان اُوں کلام کُوں جیہڑا اُوندے دل ءچ رہایا گِیا ہا کَھس گِھندے۔ ایہ او ہے جیہڑا راہ دے کنارے رہایا گِیا ہا۔

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔

1تھِسّلُنیکیوں 2:14

کیوں جو بِھراؤ، تُساں وی خُدا دیاں اُنہاں کلیسیاواں وانگُوں بنڑ گئے جیہڑیاں یہُودیہ صوبے ءچ مسیح یسُوع ءچ ہِن۔ کیوں جو تُساں آپنڑے ہم وطناں دے ہتُھوں اُوہو تکلیفاں چاتیاں جیہڑیاں اُنہاں یہُودیاں کنُوں چاتیاں ہَن۔

متّی 5:37

اِیں واسطے ہاں دی جاہ ’ہاں‘ تے نہ دی جاہ ’نہ‘ آکھو کیوں جو جیہڑا اِیں کنُوں زیادہ ہے او ابلیس کنُوں ہے۔

یُوحنّا 8:40

پر ہُنڑ تُساں میکُوں قتل کرݨ دی کوشش کریندے ہیوے، جئیں تُہاکُوں اُوہو سچائی دی گالھ ڈسائی جیہڑی خُدا کنُوں سُنڑی۔ ابرہام تاں اِینویں کڈھائیں نہ کیتا ہا۔

یُوحنّا 8:41

تُساں اُوہو کریندے ہیوے جیہڑا تُہاڈا پِیُو کریندا ہا۔“ اُنہاں اُونکُوں آکھیا، ”اساں ناجائز اولاد نئیں، ساڈا باپ ہِکو ہے یعنی خُدا۔“