1 یُوحنّا 2:7 - کِتاب مُقدّس سرائیکی ترجمہ

⁷ عزیزو! مَیں تُہاکُوں کوئی نواں حُکم نئیں لِکھیندا پِیا بلکہ اُوہو پُرانڑا حُکم جیہڑا شروع کنُوں تُہاکُوں مِلیا ہے۔ ایہ پُرانڑا حُکم اُوہو پیغام ہے جیہڑا تُساں سُنڑ گِھدے۔

1 یُوحنّا 2:7 Referans Kwoze

1 یُوحنّا 3:11

ایہ اُوہو پیغام ہے جیہڑا تُساں شروع کنُوں سُنڑیا ہے جو ہِک ڈُوجھے نال محبت رکھو۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

1 یُوحنّا 2:24

او پیغام جیہڑا تُساں شروع کنُوں سُنڑدے آئے ہیوے، تُہاڈے دل ءچ قائم راہوے۔ جے او پیغام تُہاڈے ءچ قائم راہوے تاں تُساں وی باپ تے اُوندے پوتر ءچ قائم راہسو۔

متّی 5:43

تُساں سُنڑ چُکے ہیوے جو آکھیا گِیا ہا جو ’آپنڑے ہمسائے نال محبت رکھ تے دُشمنڑ نال وَیر۔‘

اعمال 17:19

وَل او اُونکُوں آپنڑے نال اریوپگُس اُتے گِھن گئے تے آکھنڑ لگے ”کیا اساں جاݨ سگدے ہیں جو ایہ نوِیں تعلیم جیہڑی تُوں ڈیندیں کیا ہے؟

یُوحنّا 13:34

مَیں تُہاکُوں ہِک نواں حُکم ڈیندا ہاں جو تُساں ہِک ڈُوجھے نال محبت رکھو۔ جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

عبرانیوں 6:9

عزیزو! بھانویں اساں ایہ گالھیں آدھے ہیں، وَل وی اساں تُہاڈے کیتے اِنہاں کنُوں چنگے گالھیں دا یقین رکھیندے ہیں جِنہاں دا تعلق نجات نال ہے۔

1 یُوحنّا 3:2

عزیزو! اساں اِیں ویلے خُدا دے فرزند ہیں پر اجنڑ تئیں ایہ ظاہر نئیں تھیّا جو بِیا کیا کُجھ ہوسُوں۔ پر اِتنا جانڑدے ہیں جو جِیں ویلے یسُوع ظاہر تھیسی تاں اساں اُوندے وانگُوں ہوسُوں کیوں جو اساں اُونکُوں اُونویں ای ڈیکھسوں جِینویں او اصل ءچ ہے۔

1 یُوحنّا 3:21

عزیزو! جے ساڈا دل ساکُوں قصُوروار نئیں کھڑیندا تاں اساں دلیری نال خُدا دے سامنڑے آ سگدے ہیں۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

1 یُوحنّا 4:7

عزیزو! آؤ اساں ہِک ڈُوجھے نال محبت رکھوں کیوں جو محبت خُدا دی طرفوں ہے تے جیہڑا کوئی محبت رکھیندے، او خُدا دا فرزند ہے تے خُدا کُوں جانڑدے۔

1 یُوحنّا 4:11

عزیزو! جڈاں خُدا ساڈے نال ایجھی محبت کیتی تاں ساکُوں وی چاہیدے جو اساں وی ہِک ڈُوجھے نال محبت رکھوں۔

1 یُوحنّا 4:21

ساکُوں تاں اُوندی طرفوں ایہ حُکم مِلیا ہے جو جیہڑا کوئی خُدا نال محبت رکھیندے، او آپنڑے بِھرا نال وی محبت رکھے۔