1 یُوحنّا 2:5 - کِتاب مُقدّس سرائیکی ترجمہ

⁵ پر جیہڑا اُوندے کلام اُتے عمل کریندے تاں اُوندے ءچ خُدا دی محبت یقیناً کامِل تھی گئی ہے۔ اِیں تُوں ساکُوں پتہ چلدے جو اساں اُوندی رفاقت ءچ ہیں۔

1 یُوحنّا 2:5 Referans Kwoze

یُوحنّا 14:23

یسُوع جواب ءچ اُونکُوں آکھیا جو ”جے کوئی میڈے نال محبت کریندے تاں او میڈے کلام اُتے عمل کریسی تے میڈا باپ اُوندے نال محبت کریسی تے اساں اُوندے کولھ آسُوں تے اُوندے نال راہسوں۔

یُوحنّا 14:21

جیندے کولھ میڈے حُکم ہِن تے او اُنہاں کُوں منیندے، اُوہو میڈے نال محبت کریندے۔ تے جیہڑا میڈے نال محبت کریندے او میڈے باپ دا پیارا ہوسی تے مَیں اُوندے نال محبت رکھیساں تے آپنڑے آپ کُوں اُوندے اُتے ظاہر کریساں۔“

لُوقا 11:28

اُوں آکھیا، ”ہاں، پر جیہڑے لوک خُدا دا کلام سُنڑدے تے اُوندے اُتے عمل کریندے ہِن او زیادہ مُبارک ہِن۔“

1 یُوحنّا 3:24

جیہڑا کوئی خُدا دے حُکماں اُتے عمل کریندے، او خُدا ءچ قائم راہندے تے خُدا اُوندے ءچ۔ تے اساں جانڑدے ہیں جو خُدا ساڈے ءچ اُوں رُوح القُدس دے ذریعے جیہڑا اُوں ساکُوں بخشیا ہے، قائم راہندے۔

مُکاشفہ 14:12

اِیں واسطے مُقدّساں یعنی خُدا دے حُکماں اُتے عمل کرݨ آلیاں تے یسُوع اُتے اِیمان رکھنڑ آلیاں کُوں صبر کرݨ دی ضرورت ہے۔

1 یُوحنّا 5:2

جِیں ویلے اساں خُدا نال محبت رکھیندے ہیں تے اُوندے حُکماں اُتے عمل کریندے ہیں تاں اِیں تُوں معلوم تھی ویندے جو اساں خُدا دے فرزنداں نال وی محبت رکھیندے ہیں۔

یُوحنّا 15:5

مَیں انگُور دی ویل ہاں تے تُساں ٹاہنڑیاں ہیوے۔ جیہڑا میڈے ءچ قائم راہندے تے مَیں اُوندے ءچ، اُوہو بہُوں پھل ڈیندے کیوں جو مَیں کنُوں اَنج تھی تے تُساں کُجھ نئیں کر سگدے۔

1 یُوحنّا 4:18

محبت ءچ خوف نئیں ہوندا بلکہ کامِل محبت خوف کُوں دور کر ڈیندی ہے، کیوں جو خوف دا تعلق سزا نال ہوندے تے جیہڑا ڈردے، اُوندے ءچ محبت کامِل نئیں تھئی۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

مُکاشفہ 12:17

وَل اژدہے کُوں عورت اُتے بہُوں کاوڑ آئی تے او اُوندے باقی بالاں نال یعنی اُنہاں نال جیہڑے خُدا دے حُکماں اُتے عمل کریندے ہِن تے یسُوع دی گواہی ڈیوݨ اُتے قائم ہِن، جنگ کرݨ گِیا۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

یعقُوب 2:22

تُساں ڈیکھ سگدے ہیوے جو اُوندے اِیمان اُوندے اعمال نال رَل تے کم کیتا تے اعمال دے ذریعے اِیمان کامِل تھی گِیا۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

1 یُوحنّا 4:17

اِینویں محبت ساڈے ءچ کامِل تھی گئی ہے، تاں جو عدالت دے ڈینہہ ساکُوں دلیری ہووے کیوں جو جِینویں مسیح ہے، اُونویں ای اساں وی اِیں دُنیا ءچ ہیں۔

2 یُوحنّا 1:6

محبت ایہ ہے جو اساں خُدا دے حُکماں اُتے عمل کرُوں۔ ایہ اُوہو حُکم ہے جیہڑا تُساں شروع کنُوں سُنڑیا ہے، تے تُہاکُوں اُوندے اُتے عمل کرنڑا چاہیدے۔