1 یُوحنّا 2:3 - کِتاب مُقدّس سرائیکی ترجمہ

³ جے اساں اُوندے حُکماں اُتے عمل کرُوں تاں ساکُوں یقین تھی ویندے جو اساں اُونکُوں جاݨ گِھدے۔

1 یُوحنّا 2:3 Referans Kwoze

یُوحنّا 14:15

جے تُساں میڈے نال محبت کریندے ہیوے تاں میڈے حُکماں اُتے عمل کرو۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

1 یُوحنّا 5:3

خُدا نال محبت رکھنڑ دا مطلب ایہ ہے جو اساں اُوندے حُکماں اُتے عمل کرُوں تے اُوندے حُکم بھارے نئیں۔

لُوقا 6:46

جیہڑے ویلے تُساں میڈے آکھنڑ اُتے عمل نئیں کریندے تاں میکُوں مالک، مالک کیوں آدھے ہیوے؟

یُوحنّا 15:14

جے تُساں میڈے حُکماں اُتے عمل کریسو تاں میڈے دوست ہوسو۔

1 یُوحنّا 4:13

خُدا آپنڑا رُوح القُدس ساکُوں ڈِتے، اِیں واسطے اساں جانڑدے ہیں جو خُدا ساڈے ءچ راہندے تے اساں اُوندے ءچ۔

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

1 یُوحنّا 3:19

اِیں تُوں اساں جاݨ گِھنسوں جو اساں سچائی دے ہیں تے خُدا دے حضُور دلیری حاصل کریسوں۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

1 یُوحنّا 5:19

اساں جانڑدے ہیں جو اساں خُدا دے فرزند ہیں، تے ایہ وی جو ساری دُنیا ابلیس دے قبضہ ءچ ہے۔

1 یُوحنّا 3:14

اساں جانڑدے ہیں جو اساں موت کنُوں نِکل تے زندگی ءچ داخل تھی گئے ہیں، کیوں جو اساں آپنڑے بِھرانواں نال محبت رکھیندے ہیں۔ جیہڑا کوئی محبت نئیں رکھیندا، او ہُنڑ تئیں موت دی حالت ءچ ہے۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

مُکاشفہ 22:14

مُبارک ہِن او جیہڑے آپنڑے چولے دھوندے ہِن کیوں جو زندگی دے درخت تئیں پُجنڑ دا حق پیسن تے اُنہاں پھاٹکاں کنُوں شہر ءچ داخل تھیسن۔

1 یُوحنّا 2:13

بزُرگو! مَیں تُہاکُوں اِیں واسطے لِکھدا پِیا ہاں جو تُساں اُونکُوں جیہڑا ازل کنُوں موجود ہے، جاݨ گِھدے۔ جوانو! مَیں تُہاکُوں اِیں واسطے لِکھدا پِیا ہاں جو تُساں ابلیس اُتے غالب آ گئے ہیوے۔ بالو! مَیں تُہاکُوں اِیں واسطے لِکھیا ہے جو تُساں خُدا باپ کُوں جاݨ گِھدے۔

1 یُوحنّا 3:6

جیہڑا کوئی اُوندے ءچ قائم راہندے، او گُناہ نئیں کریندا۔ جیہڑا کوئی گُناہ کریندے، اُوں نہ تاں مسیح کُوں پچھانڑیا تے نہ اُونکُوں جانڑیا ہے۔

1 یُوحنّا 4:7

عزیزو! آؤ اساں ہِک ڈُوجھے نال محبت رکھوں کیوں جو محبت خُدا دی طرفوں ہے تے جیہڑا کوئی محبت رکھیندے، او خُدا دا فرزند ہے تے خُدا کُوں جانڑدے۔

1 یُوحنّا 5:2

جِیں ویلے اساں خُدا نال محبت رکھیندے ہیں تے اُوندے حُکماں اُتے عمل کریندے ہیں تاں اِیں تُوں معلوم تھی ویندے جو اساں خُدا دے فرزنداں نال وی محبت رکھیندے ہیں۔

مُکاشفہ 12:17

وَل اژدہے کُوں عورت اُتے بہُوں کاوڑ آئی تے او اُوندے باقی بالاں نال یعنی اُنہاں نال جیہڑے خُدا دے حُکماں اُتے عمل کریندے ہِن تے یسُوع دی گواہی ڈیوݨ اُتے قائم ہِن، جنگ کرݨ گِیا۔

مُکاشفہ 14:12

اِیں واسطے مُقدّساں یعنی خُدا دے حُکماں اُتے عمل کرݨ آلیاں تے یسُوع اُتے اِیمان رکھنڑ آلیاں کُوں صبر کرݨ دی ضرورت ہے۔