1 یُوحنّا 2:24 - کِتاب مُقدّس سرائیکی ترجمہ

²⁴ او پیغام جیہڑا تُساں شروع کنُوں سُنڑدے آئے ہیوے، تُہاڈے دل ءچ قائم راہوے۔ جے او پیغام تُہاڈے ءچ قائم راہوے تاں تُساں وی باپ تے اُوندے پوتر ءچ قائم راہسو۔

1 یُوحنّا 2:24 Referans Kwoze

یُوحنّا 14:23

یسُوع جواب ءچ اُونکُوں آکھیا جو ”جے کوئی میڈے نال محبت کریندے تاں او میڈے کلام اُتے عمل کریسی تے میڈا باپ اُوندے نال محبت کریسی تے اساں اُوندے کولھ آسُوں تے اُوندے نال راہسوں۔

1 یُوحنّا 4:13

خُدا آپنڑا رُوح القُدس ساکُوں ڈِتے، اِیں واسطے اساں جانڑدے ہیں جو خُدا ساڈے ءچ راہندے تے اساں اُوندے ءچ۔

1 یُوحنّا 4:16

جیہڑی محبت خُدا کُوں ساڈے نال ہے، اساں اُونکُوں جاݨ گئے ہیں تے ساکُوں اُوندا یقین ہے۔ خُدا محبت ہے تے جیہڑا محبت ءچ قائم راہندے، او خُدا ءچ قائم راہندے تے خُدا اُوندے ءچ۔

مُکاشفہ 3:3

اِیں واسطے یاد کر جو جیہڑی تعلیم تَیں گِھدی تے سُنڑی ہئی، اُوندے اُتے قائم رہ تے توبہ کر گِھن۔ پر جے تُوں نیندر کنُوں نہ جاگسیں تاں مَیں چور وانگُوں آساں تے تیکُوں پتہ وی نہ ہوسی جو مَیں کیہڑے ویلے تَیں اُتے آ پوساں۔

1 یُوحنّا 2:7

عزیزو! مَیں تُہاکُوں کوئی نواں حُکم نئیں لِکھیندا پِیا بلکہ اُوہو پُرانڑا حُکم جیہڑا شروع کنُوں تُہاکُوں مِلیا ہے۔ ایہ پُرانڑا حُکم اُوہو پیغام ہے جیہڑا تُساں سُنڑ گِھدے۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

یُوحنّا 15:7

جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

مُکاشفہ 3:11

ڈیکھ! مَیں جلدی آندا پِیا ہاں۔ جیہڑا کُجھ تیڈے کولھ ہے، اُونکُوں مضبوطی نال پکڑی رکھ تاں جو تیڈا تاج کوئی کَھس نہ گِھنے۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

فِلِپّیوں 4:15

تُساں فِلپی دے راہنڑ آلیو چنگی طرحاں جانڑدے ہیوے جو خوشخبری دی خدمت دے شروع ءچ جِیں ویلے مَیں مَکِدُنیہ کنُوں روانہ تھیّا ہم تاں تُہاڈے علاوہ کہیں کلیسیا پیسے ڈیوݨ دے معاملے ءچ میڈی مدد نہ کیتی۔

3 یُوحنّا 1:3

میکُوں بہُوں خوشی تھئی جڈاں کُجھ بِھرانواں آ تے تیڈے بارے ءچ گواہی ڈِتی جو تُوں سچائی دے مطابق زندگی گُزریندا پئیں۔

2 یُوحنّا 1:2

کیوں جو سچائی ساڈے ءچ قائم راہندی ہے تے ہمیشاں تئیں ساڈے نال راہسی۔

عبرانیوں 2:1

اِیں واسطے لازم ہے جو جیہڑا کلام اساں سُنڑے، اُوندے اُتے بِیا وی غور کرُوں، کِتھائیں اِینویں نہ تھیوے جو اساں وَیہہ تے اُوندے کنُوں دُور لگے ونجُوں۔

یُوحنّا 8:25

اُنہاں اُوں کنُوں پُچھیا، ”تُوں کوݨ ہیں؟“ یسُوع جواب ڈِتا، ”مَیں اُوہو ہاں جیہڑا مَیں شروع کنُوں تُہاکُوں اکھیندا آیا ہاں۔

لُوقا 1:2

اُنہاں او گالھیں بیان کیتیاں جیہڑیاں ساکُوں اُنہاں لوکاں دی طرفوں پُجیاں، جِنہاں شروع کنُوں آپنڑے اکھیں نال ڈِٹھا تے کلام دے خادم ہِن۔

لُوقا 9:44

”میڈے ایہ گالھیں ذہن ءچ رکھ گِھنو کیوں جو اِبنِ آدم، بندیاں دے حوالے کیتا ونجنڑ آلا ہے۔“

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

1 یُوحنّا 3:24

جیہڑا کوئی خُدا دے حُکماں اُتے عمل کریندے، او خُدا ءچ قائم راہندے تے خُدا اُوندے ءچ۔ تے اساں جانڑدے ہیں جو خُدا ساڈے ءچ اُوں رُوح القُدس دے ذریعے جیہڑا اُوں ساکُوں بخشیا ہے، قائم راہندے۔

1 یُوحنّا 4:15

جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

2 یُوحنّا 1:9

ہر کوئی جیہڑا مسیح دی تعلیم اُتے قائم نئیں راہندا بلکہ اگُوں ودھ ویندے، اُوندے کولھ خُدا نئیں۔ جیہڑا وی یسُوع دی تعلیم اُتے قائم راہندے اُوندے کولھ باپ تے پوتر ڈُوہائیں ہِن۔