1 یُوحنّا 2:20 - کِتاب مُقدّس سرائیکی ترجمہ

²⁰ پر تُساں تاں اُوں قدُّوس دی طرفوں رُوح القُدس نال مسح کیتے گئے ہیوے تے تُساں سارے سچائی کُوں جانڑدے ہیوے۔

1 یُوحنّا 2:20 Referans Kwoze

یُوحنّا 14:26

پر او مددگار یعنی رُوح القُدس جِینکُوں میڈا باپ میڈے ناں نال بھجیسی، اُوہو تُہاکُوں سارے گالھیں سکھیسی تے جیہڑا کُجھ مَیں تُہاکُوں آکھیا ہے، او سبھ تُہاکُوں یاد ڈیویسی۔

1 یُوحنّا 2:27

پر رُوح القُدس جیندے نال مسیح تُہاکُوں مسح کیتے، تُہاڈے دِلاں ءچ قائم راہندے، اِیں واسطے ضرورت کائنی جو کوئی تُہاکُوں سِکھاوے۔ رُوح القُدس ای تُہاکُوں سارے گالھیں سکھیندے تے جیہڑا کُجھ او سکھیندے، سچائی ہے کُوڑ نئیں۔ بس جِینویں اُوں تُہاکُوں سِکھائے، اُونویں ای تُساں مسیح ءچ قائم راہو۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

یُوحنّا 16:13

پر جِیں ویلے او، یعنی سچائی دا رُوح آسی تاں او پُوری سچائی دو تُہاڈی راہنمائی کریسی۔ کیوں جو او آپنڑی طرفوں کُجھ نہ اکھیسی بلکہ تُہاکُوں صرف اُوہو ڈسیسی جیہڑا کُجھ او سُنڑسی تے تُہاکُوں آوݨ آلے گالھیں دی خبر ڈیسی۔

عبرانیوں 1:9

تَیں نیکی نال محبت تے بُرائی تُوں نفرت کیتی۔ اِیں واسطے خُدا، ہاں تیڈے خُدا تیکُوں شادمانی دے تیل نال مخصوص کر تے تیڈے ساتھیاں کنُوں زیادہ سرفراز کیتا۔“

1 یُوحنّا 4:13

خُدا آپنڑا رُوح القُدس ساکُوں ڈِتے، اِیں واسطے اساں جانڑدے ہیں جو خُدا ساڈے ءچ راہندے تے اساں اُوندے ءچ۔

اعمال 3:14

تُساں اُوں قدُّوس تے راستباز دا اِنکار کیتا تے درخاست کیتی جو ہِک خونی تُہاڈے کیتے رِہا کر ڈِتا ونجے۔

لُوقا 4:18

”رب دا رُوح میڈے اُتے ہے کیوں جو اُوں میکُوں مسح کیتے تاں جو مَیں غریباں کُوں خوشخبری سُنڑاواں۔ اُوں میکُوں بھیجیا ہے جو قیدیاں کُوں رہائی تے اندھیاں کُوں اکھیں ڈیوݨ دا اعلان کراں کُچلے ہوئیاں کُوں آزاد کراں

مرقس 1:24

جو ”یسُوع ناصری! ساکُوں تیڈے نال کیا کم؟ کیا تُوں ساکُوں ہلاک کرݨ آئیں؟ مَیں جانڑدا ہاں جو تُوں کوݨ ہیں؟ تُوں خُدا دا قدُّوس ہیں۔“

مُکاشفہ 4:8

تے چارے جانداراں دے چِھی چِھی کھمب ہَن، تے ایہ ہر پاسُوں تے کھمباں دے اندرُوں وی اکھیں نال بھرے ہوئے ہَن۔ تے او ڈینہہ رات رُکے بغیر ایہ آدھے راہندے ہَن، ”قدُّوس، قدُّوس، قدُّوس خُداوند، قادر مُطلق خُدا جیہڑا ہا، جیہڑا ہے تے جیہڑا آوݨ آلا ہے۔“

مُکاشفہ 3:7

فِلدِلفیہ دی کلیسیا دے فرشتہ کُوں لِکھ جو جیہڑا قدُّوس تے سچا ہے تے داؤد دی کُنجی رکھیندے، جیندے کھولے ہوئے کُوں کوئی بند نئیں کر سگدا تے جیندے بند کیتے ہوئے کُوں کوئی کھول نئیں سگدا، اُوہو ایہ فرمیندے جو

عبرانیوں 8:11

کہیں کُوں ایہ لوڑ نہ ہوسی جو او آپنڑے ہمسائے یا آپنڑے بِھرا کُوں ایہ تعلیم ڈیوے جو رب کُوں سُنجاݨ، کیوں جو چھوٹے تُوں وڈے تئیں سبھ میکُوں سُنجاݨ گِھنسن۔

1کُرِنتھِیوں 2:15

جیندے ءچ رُوح القُدس ہے او سبھ کُجھ پرکھ گِھندے پر او خود کہیں کنُوں پرکھیا نئیں ویندا جِینویں جو لِکھیا ہے

لُوقا 4:34

”یسُوع ناصری! ساکُوں تیڈے نال کیا کم؟ کیا تُوں ساکُوں ہلاک کرݨ آئیں؟ مَیں جانڑدا ہاں جو تُوں کوݨ ہیں۔ تُوں خُدا دا قدُّوس ہیں۔“

متّی 13:11

اُوں جواب ءچ آکھیا، ”تُہاکُوں تاں اسمان دی بادشاہی دے راز سمجھنڑ دی قابلیت ڈِتی گئی ہے پر اُنہاں کُوں نئیں ڈِتی گئی۔

یہُوداہ 1:5

بھانویں تُساں ایہ سبھ کُجھ جانڑدے ہیوے، وَل وی مَیں تُہاکُوں ایہ گالھ یاد ڈیواوݨ چاہندا ہاں جو خُداوند آپنڑے لوکاں کُوں مِصر ءچوں چُھڑا گِھدا پر بعد ءچ اِیمان نہ رکھنڑ آلیاں کُوں ہلاک کر ڈِتا۔