1 یُوحنّا 2:18 - کِتاب مُقدّس سرائیکی ترجمہ

¹⁸ بالو! ایہ دُنیا دا آخری ویلا ہے۔ جِینویں تُساں سُنڑیا ہے جو مسیح دا مخالف آوݨ آلا ہے، اُوندے مطابق ہُنڑ مسیح دے بہُوں سارے مخالف اُٹھی کھڑے تھئے ہِن۔ اِیں تُوں ساکُوں پتہ چلدے جو آخری ویلا آ گئے۔

1 یُوحنّا 2:18 Referans Kwoze

1 یُوحنّا 4:3

پر جیہڑی رُوح یسُوع دے بارے ءچ ایہ اِقرار نہ کرے تاں او خُدا دی طرفوں نئیں۔ اِیہو مسیح دے مخالف دی رُوح ہے جیندے بارے ءچ تُساں سُنڑ گِھدے جو او آوݨ آلا ہے بلکہ ہُنڑ وی دُنیا ءچ موجود ہے۔

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

1 یُوحنّا 2:22

وَل کُوڑا کوݨ ہے؟ اُوہو جیہڑا یسُوع دے المسیح ہووݨ دا اِنکار کریندے۔ اُوہو مسیح دا مخالف ہے۔ او باپ تے پوتر دا اِنکار کریندے۔

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

متّی 24:5

کیوں جو بہُوں سارے میڈے ناں نال آسن تے اکھیسن جو ’مَیں المسیح ہاں،‘ تے بہُوں سارے لوکاں کُوں گُمراہ کریسن۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

مرقس 13:6

بہُوں سارے میڈے ناں نال آسن تے اکھیسن جو مسیح مَیں ای ہاں تے بہُوں سارے لوکاں کُوں گُمراہ کریسن۔

2 پطرس 2:1

پر جِینویں بنی اِسرائیل ءچ کُوڑے نبی وی ہَن، اُونویں ای تُہاڈے ءچ وی کُوڑے اُستاد ہوسن۔ او چلاکی نال ہلاک کرݨ آلیاں بِدعتاں کِھنڈیسن، بلکہ آپنڑے اُوں مالک دا اِنکار کریسن جئیں اُنہاں کُوں مُل گِھدا ہا۔ ایجھے کماں نال او آپنڑے اُتے جلد ہلاکت گِھن آسن۔

متّی 24:11

بہُوں سارے کُوڑے نبی اُٹھی کھڑے تھیسن تے بہُوں سارے لوکاں کُوں گُمراہ کر ڈیسن۔

یہُوداہ 1:18

اُنہاں تُہاکُوں آکھیا ہا جو ”آخری ڈینہاں ءچ ٹھٹّھا کرݨ آلے نِکلسن جیہڑے آپنڑی بے دینی دیاں خواہشاں دے پِچُھوں ٹُرسن۔“

2 پطرس 3:3

سبھ تُوں پہلے تُہاکُوں ایہ سمجھنڑا چاہیدے جو آخری ڈینہاں ءچ ایجھے ٹھٹّھا باز لوک آسن جیہڑے آپنڑیاں نفسانی خواہشاں دے مطابق زندگی گُزریسن،

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

1 پطرس 1:20

خُدا مسیح کُوں دُنیا بنڑاوݨ تُوں پہلے مقرر کیتا پر تُہاڈے کیتے اُونکُوں اِیں آخری زمانے ءچ ظاہر کیتا۔

1 پطرس 1:5

خُدا آپنڑی قُدرت دے ذریعے تے تُہاڈے اِیمان دے وسیلہ نال تُہاڈی حفاظت کریندا راہسی جئیں تئیں تُہاکُوں او نجات نہ مِل ونجے جیہڑی آخرت ءچ ظاہر تھیوݨ آلی ہے۔

یُوحنّا 21:5

بس یسُوع اُنہاں کُوں آکھیا، ”بالو! کیا تُہاڈے کولھ کوئی مچھی ہے؟“ اُنہاں جواب ڈِتا، ”کائناں۔“

رومیوں 13:11

وقت کُوں پچھانڑو تے اِینویں ای کرو، کیوں جو نیندر کنُوں جاگنڑ دا ویلا آ گِیا ہے۔ جِیں ویلے اساں اِیمان گِھن آئے ہسے، اُوں وقت دی نسبت ہُنڑ ساڈی نجات بہُوں نیڑے ہے۔

رومیوں 13:12

رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔