1 یُوحنّا 2:17 - کِتاب مُقدّس سرائیکی ترجمہ

¹⁷ دُنیا تے اُوندیاں خواہشاں ڈوہائیں ختم تھی ویندیاں ہِن پر جیہڑا خُدا دی مرضی اُتے ٹُردے، او ہمیشاں تئیں قائم راہندے۔

1 یُوحنّا 2:17 Referans Kwoze

متّی 24:35

اسمان تے زمین ٹَل ویسن پر میڈے گالھیں کڈھائیں نہ ٹَلسن۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

1کُرِنتھِیوں 7:31

تے دُنیا دا کاروبار کرݨ آلے اِینویں ہووݨ جِینویں جو دل نال نہ کریندے ہووݨ کیوں جو دُنیا دی موجودہ شکل بدلدی ویندی ہے۔

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

عبرانیوں 10:36

تُہاکُوں وڈے صبر نال کم گِھننڑا چاہیدے تاں جو تُساں خُدا دی مرضی پُوری کر تے او چیز حاصل کر سگو جِیندا اُوں وعدہ کیتے۔

مرقس 3:35

کیوں جو جیہڑا کوئی خُدا دی مرضی اُتے چلدے اُوہو میڈا بِھرا، میڈی بھینڑ تے میڈی ماء ہے۔“

1 پطرس 1:5

خُدا آپنڑی قُدرت دے ذریعے تے تُہاڈے اِیمان دے وسیلہ نال تُہاڈی حفاظت کریندا راہسی جئیں تئیں تُہاکُوں او نجات نہ مِل ونجے جیہڑی آخرت ءچ ظاہر تھیوݨ آلی ہے۔

1تھِسّلُنیکیوں 4:3

خُدا دی مرضی ایہ ہے جو تُساں پاک راہو تے زِناکاری کنُوں بچے راہو۔

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

متّی 7:21

میکُوں ’مالک! مالک!‘ آکھنڑ آلا ہر بندہ اسمان دی بادشاہی ءچ داخل نہ تھیسی، پر اُوہو جیہڑا میڈے اسمانی باپ دی مرضی اُتے ٹُردے۔

یعقُوب 4:14

تُساں نئیں جانڑدے جو کل کیا تھیسی۔ تُہاڈی زندگی ہے ای کیا؟ بُخارات آلی کار ہے۔ ہُنڑیں نظر آئے، ہُنڑیں غیب تھی گئے۔

یُوحنّا 6:58

جیہڑی روٹی اسمان کنُوں لتھی ہے، اِیہو ہے۔ ایہ اُوں روٹی وانگُوں نئیں جِینکُوں پِیُو ڈاڈا کھادا تے مر گئے۔ جیہڑا ایہ روٹی کھاسی او ہمیشاں تئیں زندہ راہسی۔“

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

کلُسِّیوں 1:9

اِیں واسطے جئیں ڈینہہ تُوں اساں ایہ سُنڑیا ہے، اساں تُہاڈے کیتے دُعا کریندے پئے ہیں۔ ساڈی درخاست ہے جو خُدا تُہاکُوں ساری حِکمت تے رُوحانی سمجھ دے ذریعے، آپنڑی مرضی دے علم نال بھر ڈیوے،

یُوحنّا 7:17

جے کوئی اُوندی مرضی اُتے چلنڑ چاہوے تاں او اِیں تعلیم دے بارے ءچ جاݨ گِھنسی جو خُدا دی طرفوں ہے یا مَیں آپنڑے کولُھوں آدھا ہاں۔