1 یُوحنّا 2:10 - کِتاب مُقدّس سرائیکی ترجمہ

¹⁰ جیہڑا کوئی آپنڑے بِھرانواں نال محبت رکھیندے، او نُور ءچ راہندے تے اُوندے ءچ تُھڈا کھواوݨ آلی کوئی چیز نئیں۔

1 یُوحنّا 2:10 Referans Kwoze

1 یُوحنّا 3:14

اساں جانڑدے ہیں جو اساں موت کنُوں نِکل تے زندگی ءچ داخل تھی گئے ہیں، کیوں جو اساں آپنڑے بِھرانواں نال محبت رکھیندے ہیں۔ جیہڑا کوئی محبت نئیں رکھیندا، او ہُنڑ تئیں موت دی حالت ءچ ہے۔

رومیوں 14:13

اِیں واسطے اساں ہِک ڈُوجھے اُتے اِلزام نہ لاؤں بلکہ دل ءچ اِرادہ کر گِھنوں جو آپنڑے بِھرا دے سامنڑے ایجھی کوئی چیز نہ رکھوں جیہڑی اُوندے کیتے تُھڈا کھاوݨ یا ڈھاوݨ دا سبب ہووے۔

2 پطرس 1:10

بس بِھراؤ! اِیں گالھ کُوں ثابت کرݨ دی زیادہ کوشش کرو جو تُساں خُدا دے چُنڑے تے سڈے ہوئے لوک ہیوے۔ کیوں جو جے اِینویں کریسو تاں کڈھائیں گُناہ ءچ نہ ڈھاسو۔

یُوحنّا 8:31

بس یسُوع اُنہاں یہُودیاں کُوں جیہڑے اُوندے اُتے اِیمان گِھن آئے ہَن آکھیا جو ”جے تُساں میڈے کلام اُتے قائم راہسو تاں حقیقت ءچ میڈے شاگرد ہوسو،

متّی 18:7

گُمراہ کرݨ آلیاں چیزاں دی وجہ کنُوں اِیں دُنیا اُتے افسوس ہے۔ ایجھیاں ٹھوکراں دا ہووݨ تاں ضرور ہے پر اُوں بندے اُتے افسوس جیندی وجہ کنُوں ٹھوکر لگے۔

متّی 13:21

پر او اُوندے ءچ جڑھ نئیں پکڑیندا تے دیر تئیں قائم نئیں راہندا۔ جِیں ویلے کلام دے سببّوں مُصیبت یا ظلم آندے تاں فوراً ٹھوکر کھاندے۔

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

یُوحنّا 11:9

یسُوع جواب ڈِتا، ”کیا ڈینہہ ءچ بارہاں گھنٹے نئیں ہوندے؟ جیہڑا بندہ ڈینہہ ءچ ٹُردے، تُھڈا نئیں کھاندا، اِیں واسطے جو او دُنیا دے سوجھلے کُوں ڈیدھے۔

یُوحنّا 12:35

یسُوع اُنہاں کُوں جواب ڈِتا، ”نُور تُہاڈے نال تھوڑی دیر تئیں بِیا ہے۔ جئیں تئیں نُور تُہاڈے نال ہے نُور ءچ چلدے راہو، اِینویں نہ تھیوے جو اندھارا تُہاکُوں آ جھلے۔ جیہڑا بندہ اندھارے ءچ چلدے، او نئیں جانڑدا جو کِتھاں ویندے۔

1 یُوحنّا 2:11

پر جیہڑا آپنڑے بِھرانواں نال دُشمنڑی رکھیندے، او اندھارے ءچ ہے تے اندھارے ءچ ای ٹُردے۔ او نئیں جانڑدا جو کِتھاں ویندے کیوں جو اندھارے اُونکُوں اندھا کر ڈِتے۔