1 یُوحنّا 1:3 - کِتاب مُقدّس سرائیکی ترجمہ

³ جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

1 یُوحنّا 1:3 Referans Kwoze

1کُرِنتھِیوں 1:9

خُدا وفادار ہے جئیں تُہاکُوں آپنڑے پوتر، ساڈے خُداوند یسُوع مسیح دی شراکت کیتے سڈیا ہے۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

اعمال 4:20

کیوں جو ممکن نئیں جو اساں جیہڑا کُجھ ڈِٹھا تے سُنڑیا ہے، اُوندا ذِکر نہ کرُوں۔“

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔

فِلِپّیوں 2:1

بس جے تُہاکُوں مسیح ءچ کُجھ حوصلہ تے اُوندی محبت کنُوں تسلی مِلدی ہے، تے جے رُوح القُدس دی شراکت ہے تے جے تُہاڈے ءچ رحمدلی تے ہمدردی پائی ویندی ہے،

2کُرِنتھِیوں 13:14

خُداوند یسُوع مسیح دا فضل، خُدا دی محبت تے رُوح القُدس دی شراکت تُساں ساریاں نال تھیندی راہوے۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

1 یُوحنّا 1:1

اساں زندگی دا او کلام بیان کریندے ہیں جیہڑا شروع کنُوں ہا، جِینکُوں اساں سُنڑیا تے آپنڑے اکھیں نال ڈِٹھا تے غور نال نظر کیتی بلکہ ہتھ لا تے ڈِٹھا۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

فِلِپّیوں 3:10

مَیں مسیح کُوں تے اُوندے زندہ تھیوݨ دی قُدرت کُوں جانڑنڑاں، اُوندے نال ڈُکھاں ءچ شریک تھیوݨ تے اُوندی موت ءچ اُوندے جِیہا بنڑنڑاں چاہندا ہاں،

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،

اعمال 20:27

کیوں جو مَیں بغیر کہیں جِھجک دے خُدا دا پُورا مقصد تُہاڈے اُتے ظاہر کریندا ہاں۔

1 یُوحنّا 1:5

او پیغام جیہڑا اساں مسیح کنُوں سُنڑیا تے تُہاکُوں ڈسیندے ہیں، او ایہ ہے جو خُدا نُور ہے تے اُوندے ءچ ذرا وی اندھارا کائنی۔

عبرانیوں 2:12

او فرمیندے جو ”مَیں آپنڑے بِھرانواں کُوں تیڈے ناں دا بیان کریساں، تے جماعت دے وچال تیڈی حمد دے گیت گاساں۔“

1 تِیمُتھِیُس 6:2

جِنہاں غُلاماں دے مالک اِیماندار ہِن، او اُنہاں کُوں مسیحی بِھرا ہووݨ پارُوں گھٹ عزت نہ ڈیوݨ، بلکہ اُنہاں دی زیادہ خدمت کرݨ کیوں جو اُنہاں دی خدمت کنُوں فائدہ چاوݨ آلے اِیماندار تے عزیز ہِن۔ تُوں اِنہاں گالھیں دی تعلیم تے نصیحت ڈے۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

1کُرِنتھِیوں 15:1

ہُنڑ بِھراؤ! مَیں تُہاکُوں اُوہو خوشخبری یاد ڈیویندا ہاں، جیندی تبلیغ مَیں تُہاڈے ءچ کیتی ہے، جِینکُوں تُساں قبول کر گِھدے تے جیندے اُتے تُساں قائم وی ہیوے۔

رومیوں 15:27

ایہ کم اُنہاں خوشی نال تاں کیتا پر یروشلیم دے مُقدّساں دے قرضدار وی ہَن۔ کیوں جو جے غیر قوماں یہُودیاں دی رُوحانی برکتاں ءچ شامل تھئیاں ہِن تاں ضروری ہے جو او وی آپنڑی جِسمانی برکتاں نال یہُودیاں دی خدمت کرݨ۔

اعمال 13:41

’حقارت کرݨ آلیو! ڈیکھو، حیران تھیؤ تے ہلاک تھی ونجو کیوں جو مَیں تُہاڈے زمانے ءچ ہِک کم کرݨ آلا ہاں ایجھا کم جیندی خبر سُنڑ تے وی تُہاکُوں کڈھائیں یقین نہ آسی‘۔“

اعمال 13:32

تے اساں تُہاکُوں اُوں وعدہ دے بارے ءچ جیہڑا ساڈے پِیُو ڈاڈا نال کیتا گِیا ہا، خوشخبری ڈیندے ہیں

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

یُوحنّا 17:25

عادل باپ! دُنیا تاں تیکُوں نئیں جانڑدی پر مَیں تیکُوں جانڑدا ہاں تے اِنہاں بندیاں وی جاݨ گِھدے جو تُوں میکُوں بھیجیا ہے،

یُوحنّا 17:11

مَیں اگُوں تُوں دُنیا ءچ نہ راہساں پر او دُنیا ءچ ہِن تے مَیں تیڈے کولھ آندا ہاں۔ قدُّوس باپ! آپنڑے اُوں ناں دے وسیلہ نال جیہڑا تُوں میکُوں بخشیا ہے اُنہاں دی حفاظت کر، تاں جو او ہِک ہووݨ جِینویں اساں ہِک ہیں۔

یُوحنّا 19:35

جئیں ایہ ڈِٹھے اُوں گواہی ڈِتی ہے تے اُوندی گواہی سچی ہے تے او جانڑدا ہے جو سچ آدھا ہے تاں جو تُساں وی اِیمان گِھن آؤ۔

2 پطرس 1:16

کیوں جو جِیں ویلے اساں تُہاکُوں آپنڑے خُداوند یسُوع مسیح دی قُدرت تے واپس آوݨ دے بارے ءچ ڈسایا ہا تاں اساں چالاکی نال گھڑیاں کہانڑیاں دی پیروی نہ کیتی ہئی بلکہ اساں اُوندی عظمت دے اکھیں ڈِٹھے گواہ ہسے۔