1کُرِنتھِیوں 9:8 - کِتاب مُقدّس سرائیکی ترجمہ

⁸ کیا مَیں ایہ گالھیں اِنسانی سوچ نال آدھا ہاں؟ کیا شریعت وی اِیہو نئیں آدھی؟

1کُرِنتھِیوں 9:8 Referans Kwoze

1تھِسّلُنیکیوں 4:8

اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

1تھِسّلُنیکیوں 2:13

اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

1کُرِنتھِیوں 14:34

عورتاں کلیسیا دے اِجتماع ءچ چُپ راہنڑ۔ اُنہاں کُوں بولنڑ دی اِجازت نئیں بلکہ تابع راہنڑ جِینویں جو توریت ءچ وی لِکھیا ہے۔

1کُرِنتھِیوں 7:40

پر میڈی رائے ایہ ہے جو جے او بیوہ ای راہوے تاں زیادہ خوش راہسی تے مَیں سمجھدا ہاں جو خُدا دا رُوح القُدس میڈے ءچ وی ہے۔

رومیوں 6:19

مَیں تُہاڈی اِنسانی کمزوری دی وجہ کنُوں، غُلامی دی ایہ مثال ڈیندا پِیا ہاں۔ جِینویں تُساں آپنڑے انگاں کُوں بدکاری کرݨ کیتے ناپاکی تے بدکاری دی غُلامی ءچ ڈے ڈِتا ہا، ہُنڑ آپنڑے انگاں کُوں پاک تھیوݨ کیتے راستبازی دی غُلامی ءچ ڈے ڈیؤ۔

رومیوں 3:31

کیا اساں شریعت کُوں اِیمان دے سببّوں منسوخ کریندے ہیں؟ ہرگز نئیں بلکہ شریعت کُوں قائم رکھیندے ہیں۔

رومیوں 3:5

پر ہُنڑ مَیں ہِک گالھ اِنسان وانگُوں اکھیندا ہاں۔ جے ساڈی بدی خُدا دی راستبازی ظاہر کریندی ہے تاں اساں کیا آکھوں؟ کیا ایہ جو خُدا ساڈے اُتے غضب نازل کر تے بے اِنصافی کریندے؟

گلتِیوں 1:11

بِھراؤ! مَیں تُہاکُوں ڈساوݨ چاہندا ہاں جو جیہڑی خوشخبری مَیں تُہاکُوں سُنڑائی ہے او کہیں اِنسان دی طرفوں نئیں۔