1کُرِنتھِیوں 9:26 - کِتاب مُقدّس سرائیکی ترجمہ

²⁶ اِیں واسطے مَیں وی اِینویں ای نئیں بلکہ مقصد سامنڑے رکھدے ہوئے بھجدا ہاں تے مُکے باز آلی کار لڑدا ہاں، ہوا کُوں مارݨ آلے آلی کار نئیں۔

1کُرِنتھِیوں 9:26 Referans Kwoze

2 پطرس 1:10

بس بِھراؤ! اِیں گالھ کُوں ثابت کرݨ دی زیادہ کوشش کرو جو تُساں خُدا دے چُنڑے تے سڈے ہوئے لوک ہیوے۔ کیوں جو جے اِینویں کریسو تاں کڈھائیں گُناہ ءچ نہ ڈھاسو۔

2 تِیمُتھِیُس 2:5

اُونویں ای جے کوئی پہلوان اصُولاں دے مطابق مُقابلہ نئیں کریندا تاں اُونکُوں جیت دا سہرا نئیں مِلدا۔

فِلِپّیوں 1:21

کیوں جو زندہ راہنڑ تاں میڈے کیتے مسیح ہے تے مرنڑا نفع۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

لُوقا 13:24

”تنگ دروازے کنُوں داخل تھیوݨ دی پُوری کوشش کرو کیوں جو مَیں تُہاکُوں آدھا ہاں جو بہُوں سارے داخل تھیوݨ دی کوشش کریسن پر نہ تھی سگسن۔

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

اِفِسیوں 6:12

کیوں جو ساکُوں خون تے گوشت دے خلاف نئیں بلکہ حُکمراناں، اِختیار آلیاں، اِیں اندھاری دُنیا دے حاکماں تے شریر رُوحانی طاقتاں دے خلاف جنگ کرنڑی ہے جیہڑیاں اسمانی جاہیں ءچ ہِن۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

عبرانیوں 4:1

بس جڈاں خُدا دا ایہ وعدہ قائم ہے جو اساں اُوندے ارام دی جاہ ءچ داخل تھی سگدے ہیں تاں ساکُوں خبردار راہونڑا چاہیدے، کِتھائیں اِینویں نہ تھیوے جو تُہاڈے ءچوں کوئی اُوندے ءچ داخل تھیوݨ کنُوں محروم رہ ونجے۔

2کُرِنتھِیوں 5:8

ہا، ساکُوں حوصلہ ہے تے ایہ بدن چھوڑ تے خُداوند دے گھر ءچ راہونڑا ساکُوں زیادہ منظور ہے۔

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

1کُرِنتھِیوں 14:9

اِینویں ای جے تُساں زبان کنُوں صاف صاف گالھ نہ آکھو تاں کوݨ تُہاڈی سمجھسی؟ تُساں ہوا نال گالھیں کرݨ آلے ہوسو۔

متّی 11:12

یُوحنّا بپتسمہ ڈیوݨ آلے دے ڈینہاں کنُوں اِیں ویلے تئیں اسمان دی بادشاہی دی زور نال مخالفت تھیندی پئی ہے تے زور آور اُونکُوں کَھس گِھندے ہِن۔

گلتِیوں 2:2

میڈا اُتھاں ونجنڑ ہِک مُکاشفہ دی وجہ تُوں ہا۔ مَیں اُنہاں لوکاں نال جیہڑے کلیسیا ءچ وڈے راہنما سمجھے ویندے ہَن، کلھیپے ءچ مُلاقات کیتی تے اُنہاں کُوں او خوشخبری پیش کیتی جیہڑی مَیں غیر قوماں کُوں سُنڑیندا ہم۔ میں نئیں چاہندا جو میڈی او بھج دھروک جیہڑی مَیں پہلے کیتی ہئی تے ہُنڑ تئیں کریندا ہاں، بے فائدہ تھیوے۔

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔