1کُرِنتھِیوں 9:19 - کِتاب مُقدّس سرائیکی ترجمہ

¹⁹ بھانویں مَیں ازاد ہاں تے کہیں دا پابند نئیں، وَل وی مَیں آپنڑے آپ کُوں سبھ دا غُلام بنڑا ڈِتے تاں جو زیادہ لوکاں کُوں مسیح کولھ گِھن آ سگاں۔

1کُرِنتھِیوں 9:19 Referans Kwoze

گلتِیوں 5:13

بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

متّی 18:15

جے تیڈا بِھرا تیڈے خلاف گُناہ کرے تاں وَنج تے کلھیپے ءچ اُونکُوں سمجھا۔ جے او تیڈی سُنڑے تاں سمجھ گِھن جو تَیں آپنڑے بِھرا کُوں پا گِھدے۔

1کُرِنتھِیوں 10:33

اِینویں ای مَیں وی سبھ گالھیں ءچ ساریاں کُوں خوش کرݨ دی کوشش کریندا ہاں۔ مَیں آپنڑا نئیں بلکہ ڈُوجھیاں دا فائدہ گولھیندا ہاں تاں جو او نجات پاوݨ۔

1 تِیمُتھِیُس 4:16

آپنڑے چال چلنڑ تے آپنڑی تعلیم دا خاص خیال رکھ۔ اِنہاں گالھیں اُتے عمل کریندا رہ کیوں جو اِینویں کرݨ نال تُوں آپنڑی تے آپنڑے سُنڑݨ آلیاں دی نجات دا سبب ہوسیں۔

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

رومیوں 15:2

ساڈے ءچوں ہر بندہ آپنڑے ہمسائے کُوں اُوندی بھلائی کیتے خوش کرے تاں جو اُوندی رُوحانی ترقی تھیوے۔

1 پطرس 3:1

ذالو! اِینویں ای تُساں وی آپنڑے پایاں دے تابع راہو۔ وَل بھانویں اُنہاں ءچوں کُجھ خُدا دے کلام کُوں نہ منیندے ہووݨ، او آپنڑی ذال دا چال چلنڑ ڈیکھ تے اِیمان دو آ ویسن۔ اُنہاں کُوں کُجھ آکھنڑ دی ضرورت نہ ہوسی،

1کُرِنتھِیوں 9:1

کیا مَیں ازاد نئیں؟ کیا مَیں رسُول نئیں؟ کیا مَیں یسُوع کُوں نئیں ڈِٹھا جیہڑا ساڈا خُداوند ہے؟ کیا تُساں خُداوند کیتے میڈی خدمت دا پھل نئیں؟

رومیوں 1:14

مَیں یُونانیاں تے غیر یُونانیاں، داناواں تے ناداناں ڈوہائیں دا قرض دار ہاں۔

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

1کُرِنتھِیوں 7:16

ذال! تیکُوں کیا پتہ، متاں تُوں آپنڑے پئے دی نجات دا سبب بنڑ ونجیں، تے پئے! تیکُوں کیا پتہ، متاں تُوں آپنڑی ذال دی نجات دا سبب بنڑ ونجیں؟

رومیوں 11:14

تاں جو کہیں طرحاں وی مَیں آپنڑی قوم آلیاں کُوں غیرت ڈیوا تے اُنہاں ءچوں بہُوں کُوں نجات ڈیوا سگاں۔

1کُرِنتھِیوں 10:29

میڈا مطلب ہے تیڈے ضمیر کیتے نئیں بلکہ ڈُوجھے بندے دے ضمیر کیتے۔ میڈی ازادی ڈُوجھے بندے دے ضمیر دے سببّوں کیوں پرکھی ونجے ؟

2کُرِنتھِیوں 4:15

ایہ سبھ کُجھ تُہاڈے فائدے کیتے ہے تاں جو بہُوں سارے لوکاں اُتے فضل تھیوے تے نتیجہ ءچ شُکرگُزاری ودھدی ونجے جیندے نال خُدا کُوں جلال مِلے۔

2کُرِنتھِیوں 12:14

ڈیکھو! مَیں تریجھی پھیری تُہاڈے کولھ آوݨ کیتے تیار ہاں۔ مَیں تُہاڈے اُتے بھار نہ بنڑساں کیوں جو مَیں تُہاڈے مال دا نئیں بلکہ تُہاڈا ای طالب ہاں۔ کیوں جو بالاں کُوں ماء پِیُو کیتے نئیں بلکہ ماء پِیُو کُوں بالاں کیتے پیسہ جمع کرݨ چاہیدے۔