1کُرِنتھِیوں 9:18 - کِتاب مُقدّس سرائیکی ترجمہ

¹⁸ بس میڈا اجر کیا ہے؟ صرف ایہ جو خوشخبری کُوں مُفت کر ڈیواں تے اُوں حق دا فائدہ نہ چاواں جیہڑا تبلیغ دی وجہ کنُوں میکُوں مِلدا ہے۔

1کُرِنتھِیوں 9:18 Referans Kwoze

1تھِسّلُنیکیوں 2:6

اساں آدمیاں دی تعریف دے مُتھاج نئیں نہ ای تُہاڈی نہ بئے دی، بھانویں اساں مسیح دے رسُول ہووݨ دی حیثیت نال تُہاڈے اُتے آپنڑا بھار سَٹ سگدے ہسے۔

1کُرِنتھِیوں 8:9

پر خبردار راہو، اِینویں نہ تھیوے جو تُہاڈی ایہ ازادی کمزور اِیمان آلیاں کیتے تُھڈا کھاوݨ دا سبب بنڑ ونجے۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

1کُرِنتھِیوں 10:33

اِینویں ای مَیں وی سبھ گالھیں ءچ ساریاں کُوں خوش کرݨ دی کوشش کریندا ہاں۔ مَیں آپنڑا نئیں بلکہ ڈُوجھیاں دا فائدہ گولھیندا ہاں تاں جو او نجات پاوݨ۔

1کُرِنتھِیوں 7:31

تے دُنیا دا کاروبار کرݨ آلے اِینویں ہووݨ جِینویں جو دل نال نہ کریندے ہووݨ کیوں جو دُنیا دی موجودہ شکل بدلدی ویندی ہے۔

رومیوں 14:15

جے تیڈے کوئی چیز کھاوݨ تُوں تیڈے بِھرا کُوں ڈُکھ پُجدے تاں وَل تُوں محبت دے اصُول اُتے نئیں ٹُردا۔ جِیں بندے کیتے مسیح آپنڑی جان قُربان کیتی تُوں اُونکُوں آپنڑے کھاوݨ نال ہلاک نہ کر۔

یُوحنّا 4:36

کپنڑ آلا مزدُوری پیندے تے ہمیشاں دی زندگی کیتے پھل جمع کریندے، تاں جو رہاوݨ آلا تے کپنڑ آلا ڈوہائیں رَل تے خوشی مناوݨ۔

اعمال 18:3

تے کیوں جو اَکوِلہ تے پرسکِلہ وی تمبُو بنڑاوݨ دا کم کریندے ہَن جِینویں پولُس کریندا ہا، اِیں واسطے او اُنہاں نال رہ تے کم کرݨ لگا۔

1کُرِنتھِیوں 3:8

لاوݨ آلے تے پانڑی ڈیوݨ آلے ڈوہائیں دا ہِکو مقصد ہے تے ہر ہِک کُوں آپنڑی محنت دے مطابق اجر مِلسی۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

1کُرِنتھِیوں 9:15

پر مَیں اِیں حق کُوں اِستعمال نئیں کیتا تے نہ ای اِیں خیال نال لِکھدا پِیا ہاں جو ہُنڑ کُجھ مِلسی۔ کوئی میڈے تُوں میڈے فخر دا سبب کَھس گِھنے، اِیں تُوں میڈے کیتے بہتر ہے جو میں مر ونجاں۔

1کُرِنتھِیوں 9:17

جے مَیں آپنڑی مرضی نال تبلیغ کریندا ہاں تاں وَل میڈے کیتے اجر ہے پر میں ایہ آپنڑی مرضی نال نئیں کریندا بلکہ خُدا ایہ ذمہ داری میڈے سپُرد کیتی ہے۔