1کُرِنتھِیوں 9:14 - کِتاب مُقدّس سرائیکی ترجمہ

¹⁴ اِینویں ای خُداوند وی مقرر کیتے جو خوشخبری دی تبلیغ کرݨ آلے خوشخبری قبول کرݨ آلیاں دی مدد نال گُزارہ کرݨ۔

1کُرِنتھِیوں 9:14 Referans Kwoze

متّی 10:10

نہ رستے کیتے تھیلا گِھنائے نہ ڈُو ڈُو چولے نہ جُتی تے نہ سوٹی کیوں جو مزدُور آپنڑی مزدُوری دا حقدار ہے۔

گلتِیوں 6:6

کلام دی تعلیم پاوݨ آلا آپنڑیاں ساریاں چنگیاں چیزاں ءچ تعلیم ڈیوݨ آلے کُوں شامل کرے۔

1کُرِنتھِیوں 9:4

کیا ساکُوں کھاوݨ پِیوݨ دا حق نئیں؟

لُوقا 10:7

اُونہی گھر ءچ رہوائے تے جیہڑا کُجھ اُنہاں کنُوں مِلے کھاؤ پِیو کیوں جو مزدُور آپنڑی مزدُوری دا حقدار ہے، گھر گھر نہ پِھرائے۔

لُوقا 10:8

تے جے تُساں کہیں شہر ءچ داخل تھیؤ تے اُتھاں دے لوک تُہاکُوں قبول کرݨ تاں جیہڑا کُجھ تُہاڈے سامنڑے رکھیا ونجے، کھاؤ۔

اعمال 18:3

تے کیوں جو اَکوِلہ تے پرسکِلہ وی تمبُو بنڑاوݨ دا کم کریندے ہَن جِینویں پولُس کریندا ہا، اِیں واسطے او اُنہاں نال رہ تے کم کرݨ لگا۔

1کُرِنتھِیوں 4:15

کیوں جو جے مسیح ءچ تُہاڈے ہزار اُستاد وی ہووݨ، وَل وی تُہاڈے پِیُو بہُوں سارے نئیں۔ کیوں جو یسُوع مسیح ءچ تُہاکُوں خوشخبری سُنڑاوݨ دے سببّوں مَیں ای تُہاڈا پِیُو بنڑیا۔

1کُرِنتھِیوں 9:11

جڈاں اساں تُہاڈے فائدے کیتے رُوحانی بیج رہایا تاں کیا ساکُوں ایہ حق نئیں جو اساں تُہاڈے ءچوں دُنیاوی چیزاں دی فصل کپوں؟

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

1کُرِنتھِیوں 9:16

پر جڈاں مَیں خوشخبری دی تبلیغ کریندا ہاں تاں اِیندے ءچ میڈا کوئی فخر نئیں کیوں جو ایہ تاں میڈے اُتے فرض ہے۔ بلکہ میڈے اُتے افسوس، جے مَیں خوشخبری دی تبلیغ نہ کراں۔

2کُرِنتھِیوں 2:12

جِیں ویلے مَیں مسیح دی خوشخبری دی تبلیغ کیتے تروآس پُجیا تاں خُداوند میڈے کیتے خدمت دا دروازہ کھول ڈِتا ہا۔

1تھِسّلُنیکیوں 1:5

کیوں جو ساڈی خوشخبری صرف لفظاں نال نئیں بلکہ قُدرت، رُوح القُدس تے پُورے یقین نال تُہاڈے تئیں پُجی ہے۔ تُساں جانڑدے ہیوے جو اساں تُہاڈے وچال تُہاڈی خاطر کِینویں زندگی گُزریندے ہسے۔