1کُرِنتھِیوں 8:13 - کِتاب مُقدّس سرائیکی ترجمہ

¹³ اِیں واسطے جے میڈا کھانڑا میڈے مسیحی بِھرا کیتے تُھڈا لگنڑ دا سبب ہے تاں مَیں گوشت کڈھائیں نہ کھاساں تاں جو آپنڑے بِھرا کیتے تُھڈا لگنڑ دا سبب نہ بنڑاں۔

1کُرِنتھِیوں 8:13 Referans Kwoze

رومیوں 14:21

اِیہو چنگا ہے جو تُوں نہ گوشت کھاویں، نہ انگُور دا رَس پِیویں تے نہ ایجھا کم کریں جیندے نال تیڈے بِھرا کُوں تُھڈا لگے۔

2کُرِنتھِیوں 11:29

کیندی کمزوری نال مَیں کمزور نئیں تھیندا؟ تے کیندی گُمراہی تُوں میڈا دل نئیں ڈُکھدا؟

2کُرِنتھِیوں 6:3

اساں کہیں وی گالھ ءچ تُھڈا کھاوݨ دا سبب نئیں بنڑدے تاں جو ساڈی اِیں خدمت اُتے کوئی انگل نہ چاوے۔

1کُرِنتھِیوں 13:5

بدتمیزی نئیں کریندی، خود غرضی نئیں کریندی، جلدی کاوڑ ءچ نئیں آندی، ڈُوجھیاں دی غلطی یاد نئیں رکھیندی،

1کُرِنتھِیوں 6:12

”سبھ چیزاں میڈے کیتے جائز ہِن“ پر سبھ چیزاں فائدہ مند نئیں۔ سبھ چیزاں میڈے کیتے جائز تاں ہِن پر مَیں کہیں چیز دا غُلام نہ بنڑساں۔

1کُرِنتھِیوں 10:33

اِینویں ای مَیں وی سبھ گالھیں ءچ ساریاں کُوں خوش کرݨ دی کوشش کریندا ہاں۔ مَیں آپنڑا نئیں بلکہ ڈُوجھیاں دا فائدہ گولھیندا ہاں تاں جو او نجات پاوݨ۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

متّی 17:27

پر اِینویں نہ تھیوے جو اساں اُنہاں کیتے ٹھوکر دا باعث بنڑوں، تُوں جھیل تے وَنج تے کُنڈی سَٹ، تے جیہڑی مچھی پہلے ہتھ آوے، اُوندا مُنہ کھول تاں تیکُوں ہِک سِکہ مِلسی۔ اُونکُوں گِھن تے میڈے تے آپنڑے کیتے اُنہاں کُوں ڈے۔“

اعمال 15:20

پر اُنہاں کُوں خط لِکھ تے ایہ ڈساؤں جو او بُتاں کُوں نذر کیتیاں ہوئیاں چیزاں تے حرام کاری تے گَل گُھٹ تے مارے ہوئے جانوراں تے خون کنُوں پرہیز کرݨ۔

رومیوں 14:13

اِیں واسطے اساں ہِک ڈُوجھے اُتے اِلزام نہ لاؤں بلکہ دل ءچ اِرادہ کر گِھنوں جو آپنڑے بِھرا دے سامنڑے ایجھی کوئی چیز نہ رکھوں جیہڑی اُوندے کیتے تُھڈا کھاوݨ یا ڈھاوݨ دا سبب ہووے۔

1کُرِنتھِیوں 10:32

تُساں نہ یہُودیاں کیتے نہ یُونانیاں کیتے تے نہ ای خُدا دی کلیسیا کیتے تُھڈا کھاوݨ دا سبب بنڑو۔