1کُرِنتھِیوں 7:40 - کِتاب مُقدّس سرائیکی ترجمہ

⁴⁰ پر میڈی رائے ایہ ہے جو جے او بیوہ ای راہوے تاں زیادہ خوش راہسی تے مَیں سمجھدا ہاں جو خُدا دا رُوح القُدس میڈے ءچ وی ہے۔

1کُرِنتھِیوں 7:40 Referans Kwoze

1تھِسّلُنیکیوں 4:8

اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

2کُرِنتھِیوں 12:11

تُساں ای میکُوں مجبور کیتے جو مَیں فخر کر تے بیوقُوف بنڑ ونجاں، جڈاں جو تُہاکُوں تاں میڈی تعریف کرنڑی چاہیدی ہئی۔ بےشک مَیں کُجھ وی نئیں پر وَل وی تُہاڈے ”افضل رسُولاں“ کنُوں کہیں گالھ ءچ گھٹ نئیں۔

1کُرِنتھِیوں 7:35

مَیں ایہ تُہاڈے فائدے کیتے آدھا ہاں نہ جو پابندی لاوݨ کیتے تاں جو چنگے چال چلنڑ نال تُساں بغیر رکاوٹ دے خُداوند دی خدمت ءچ مصروف راہو۔

1کُرِنتھِیوں 7:8

مَیں غیر شادی شدہ تے بیوہ عورتاں کُوں ایہ آدھا ہاں جو جے میڈے وانگُوں راہنڑ تاں اُنہاں کیتے چنگا ہے۔

1کُرِنتھِیوں 7:6

ایہ مَیں رعایت ڈیندے ہوئے آدھا پِیا ہاں، نہ جو حُکم ڈیندے ہوئے۔

1کُرِنتھِیوں 7:1

جیہڑے گالھیں تُساں لِکھیاں ہِن، اُنہاں دے بارے ءچ میڈا جواب ایہ ہے جو بے شک بندے کیتے چنگا ہے جو شادی نہ کرے۔

2کُرِنتھِیوں 8:10

ہُنڑ اِیں معاملے دے بارے ءچ میڈا مشورہ سُنڑو جو تُہاڈے کیتے کیا فائدہ مند ہے۔ پِچھلے سال تُساں نہ صرف ہدیہ ڈیوݨ ءچ بلکہ ڈیوݨ دے اِرادے ءچ وی سبھ تُوں اگُوں ہَوے۔

2کُرِنتھِیوں 13:3

کیوں جو تُساں اِیں گالھ دا ثبوت منگدے ہیوے جو مسیح میڈے ءچ کلام کریندے۔ او تُہاکُوں سِدھا کرݨ کیتے کمزور نئیں بلکہ تُہاڈے وچال زور آور ہے۔