1کُرِنتھِیوں 7:38 - کِتاب مُقدّس سرائیکی ترجمہ

³⁸ بس جیہڑا آپنڑی کُنواری چھوہیر دی شادی کر ڈیندے او چنگا کریندے تے جیہڑا اِینویں نئیں کریندا او اُوں تُوں وی چنگا کریندے۔

1کُرِنتھِیوں 7:38 Referans Kwoze

عبرانیوں 13:4

شادی کرݨ سبھ لوکاں ءچ عزت دی گالھ سمجھی ونجے تے میاں بیوی دا رشتہ بے داغ راہوے، کیوں جو خُدا حرام کاراں تے زِنا کاراں دی عدالت کریسی۔

1کُرِنتھِیوں 7:37

وَل وی او بندہ جئیں آپنڑے دل ءچ پکّا اِرادہ کر گِھدے تے جیہڑا ایہ ضرورت محسوس نئیں کریندا تے آپنڑی خواہش اُتے اِختیار رکھیندے تے دل ءچ نیّت کیتی ہے جو او آپنڑی چھوہیر کُوں کُنواری ای راہنڑ ڈیسی تاں او چنگا کریندے۔

1کُرِنتھِیوں 7:8

مَیں غیر شادی شدہ تے بیوہ عورتاں کُوں ایہ آدھا ہاں جو جے میڈے وانگُوں راہنڑ تاں اُنہاں کیتے چنگا ہے۔

1کُرِنتھِیوں 7:26

میڈے خیال ءچ اِیں مُصیبت دے دور ءچ تُہاڈے کیتے اِیہو چنگا ہے جو تُساں جِینویں ہیوے اُونویں ای راہو۔

متّی 5:32

پر مَیں تُہاکُوں ایہ آدھا ہاں جو جیہڑا کوئی آپنڑی ذال کُوں بدکاری دے سِوا کہیں بئی وجہ کنُوں طلاق ڈیندے اوہ اُوندے تُوں زِنا کرویندے، تے جیہڑا کوئی اُوں طلاق شدہ عورت نال شادی کریندے او زِنا کریندے۔

1کُرِنتھِیوں 7:39

ذال آپنڑے پئے دے جیندے جی اُوندی پابند ہے پر جے او مر ونجے تاں او جیندے نال چاہوے ڈُوجھی شادی کر سگدی ہے، شرط ایہ ہے جو او خُداوند دا شاگرد ہووے۔