1کُرِنتھِیوں 7:35 - کِتاب مُقدّس سرائیکی ترجمہ

³⁵ مَیں ایہ تُہاڈے فائدے کیتے آدھا ہاں نہ جو پابندی لاوݨ کیتے تاں جو چنگے چال چلنڑ نال تُساں بغیر رکاوٹ دے خُداوند دی خدمت ءچ مصروف راہو۔

1کُرِنتھِیوں 7:35 Referans Kwoze

1کُرِنتھِیوں 7:36

جے کہیں کُنواری چھوہیر دا پِیُو ایہ سمجھدے جو او آپنڑی چھوہیر دا حق مریندے تے اُوندی جوانی ڈھلدی ویندی ہے تے شادی دی ضرورت وی معلوم تھیوے تاں اُونکُوں چاہیدے جو چھوہیر کُوں پرنا چھوڑے کیوں جو ایہ کوئی گُناہ نئیں۔

لُوقا 8:14

تے جیہڑا جھاڑیاں ءچ ڈھٹھا، اُوہو لوک ہِن جیہڑے سُنڑدے تاں ہِن پر آہستہ آہستہ زندگی دیاں فِکراں تے دولت تے عیش و عشرت ءچ پَھس ویندے ہِن تے اُنہاں دا پھل پکدا نئیں۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

1کُرِنتھِیوں 7:2

پر حرام کاری کنُوں بچنڑ کیتے ہر مرد کُوں چاہیدے جو اُوندی ذال ہووے تے ہر عورت کُوں چاہیدے جو اُوندا پایا ہووے۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

متّی 19:12

کیوں جو کُجھ تاں جماندرُو شادی کرݨ دے قابل نئیں ہوندے، تے کُجھ کُوں لوکاں شادی کرݨ دے ناقابل بنڑا ڈِتے، تے کُجھ ایجھے ہِن جِنہاں اسمان دی بادشاہی دی خاطر غیر شادی شدہ راہنڑ قبول کیتا۔ جیہڑا قبول کر سگدے او قبول کرے۔“

طِطُس 2:3

اِینویں ای بزُرگ عورتاں کُوں سِکھا جو او خُدا پرست زندگی گُزارݨ۔ او تُہمت لاوݨ آلیاں تے شرابی نہ ہووݨ بلکہ نیک گالھیں سِکھاوݨ آلیاں ہووݨ،

اِفِسیوں 5:3

تُہاڈے ءچ حرام کاری یا کہیں قِسم دی ناپاکی یا لالچ دا ناں تئیں نہ گِھدا ونجے کیوں جو ایہ مُقدّساں کیتے مناسب نئیں۔

1کُرِنتھِیوں 7:28

پر جے تُوں شادی کر وی گِھدی ہے تاں ایہ کوئی گُناہ نئیں تے جے کوئی کُنواری چھوہیر شادی کر گِھنے تاں ایہ وی گُناہ نئیں۔ پر ایجھے لوک مُصیبتاں برداشت کریسن تے مَیں تُہاکُوں مُصیبت تُوں بچاوݨ چاہندا ہاں۔

1 تِیمُتھِیُس 1:10

تے اُنہاں کیتے ہے جیہڑے زِنا کار ہِن، چھوہر باز ہِن، اغوا کرݨ آلے ہِن، کُوڑ مریندے ہِن، کُوڑیاں قَسماں چیندے ہِن، تے ایجھے بہُوں سارے کم کریندے ہِن جیہڑے صحیح تعلیم دے خلاف ہِن۔

متّی 22:15

وَل فریسی وَنج تے آپس ءچ صلاح کرݨ لگ پئے جو یسُوع کُوں گالھیں ءچ کِینویں پھساوݨ۔