1کُرِنتھِیوں 7:33 - کِتاب مُقدّس سرائیکی ترجمہ

³³ پر شادی شدہ بندہ دُنیا دے گالھیں دے بارے ءچ فِکر مند راہندے جو کِینویں آپنڑی ذال کُوں خوش کرے۔

1کُرِنتھِیوں 7:33 Referans Kwoze

1 پطرس 3:7

پائیو! تُساں وی آپنڑیاں ذالاں کُوں آپنڑے تُوں کمزور جاݨ تے اُنہاں دے نال سمجھداری نال زندگی گُزارو، تے اُنہاں کُوں زندگی دیاں نعمتاں ءچ برابر شریک جاݨ تے اُنہاں دی عزت کرو تاں جو تُہاڈیاں دُعاواں رُک نہ ونجنڑ۔

کلُسِّیوں 3:19

پایو، آپنڑیاں ذالاں نال محبت رکھو تے اُنہاں نال سختی نال پیش نہ آؤ۔

1 تِیمُتھِیُس 5:8

جیہڑا بندہ آپنڑے رشتہ داراں، خاص کر آپنڑے گھر آلیاں دا خیال نئیں کریندا او اِیمان دا مُنکر ہے تے غیر اِیمانداراں کنُوں وی بدتر ہے۔

1کُرِنتھِیوں 7:3

پایا آپنڑی ذال دا حق ادا کرے تے اُونویں ای ذال آپنڑے پئے دا۔

لُوقا 12:22

وَل یسُوع آپنڑے شاگرداں کُوں آکھیا، ”اِیہو وجہ ہے جو مَیں تُہاکُوں آدھا ہاں جو آپنڑی زندگی دی فِکر نہ کرو جو کیا کھاسوں، نہ آپنڑے بدن دی جو کیا پیسُوں۔

لُوقا 14:20

ہِک بئے آکھیا، ’مَیں شادی کیتی ہے اِیں واسطے نئیں آ سگدا۔‘

یُوحنّا 10:13

او اِیں واسطے بھج ویندے کیوں جو او مزدُور ہے تے اُونکُوں بھیڈاں دی فِکر نئیں۔

1کُرِنتھِیوں 7:32

مَیں ایہ چاہندا ہاں جو تُساں بے فِکر راہو۔ غیر شادی شدہ بندہ خُداوند دے گالھیں دی فِکر ءچ راہندے جو کِینویں خُداوند کُوں خوش کرے۔

1کُرِنتھِیوں 7:34

تے اُوندی توجہ ڈُوہائیں پاسے راہندی ہے۔ غیر شادی شدہ عورت خُداوند دے گالھیں دی فِکر ءچ راہندی ہے جو اُوندا جِسم تے رُوح ڈوہائیں پاک ہووݨ۔ پر شادی شدہ عورت دُنیا دی فِکر ءچ راہندی ہے جو کِینویں آپنڑے پئے کُوں خوش کرے۔