1کُرِنتھِیوں 7:25 - کِتاب مُقدّس سرائیکی ترجمہ

²⁵ کُنواریاں دے بارے ءچ خُداوند دا ڈِتا ہویا کوئی حُکم میڈے کولھ نئیں، پر خُداوند دی رحمت نال ہِک دیانتدار بندے دی حیثیت نال مَیں آپنڑی شخصی رائے ڈیندا ہاں۔

1کُرِنتھِیوں 7:25 Referans Kwoze

1کُرِنتھِیوں 7:6

ایہ مَیں رعایت ڈیندے ہوئے آدھا پِیا ہاں، نہ جو حُکم ڈیندے ہوئے۔

1کُرِنتھِیوں 4:2

ایہ ضروری ہے جو مُختار دیانتدار ہووے۔

1کُرِنتھِیوں 7:40

پر میڈی رائے ایہ ہے جو جے او بیوہ ای راہوے تاں زیادہ خوش راہسی تے مَیں سمجھدا ہاں جو خُدا دا رُوح القُدس میڈے ءچ وی ہے۔

1کُرِنتھِیوں 7:12

باقی لوکاں کُوں خُداوند نئیں بلکہ میں ای ایہ آدھا ہاں جو جے کہیں اِیماندار بِھرا دی غیر اِیماندار ذال ہووے پر او اُوندے نال راہنڑ ءچ راضی ہووے تاں پایا اُونکُوں نہ چھوڑے۔

2کُرِنتھِیوں 11:17

جیہڑا کُجھ مَیں ہُنڑ فخر کر تے آدھا ہاں او خُداوند دی طرفوں نئیں بلکہ مَیں بیوقُوف آلی کار آدھا ہاں۔

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

1کُرِنتھِیوں 7:34

تے اُوندی توجہ ڈُوہائیں پاسے راہندی ہے۔ غیر شادی شدہ عورت خُداوند دے گالھیں دی فِکر ءچ راہندی ہے جو اُوندا جِسم تے رُوح ڈوہائیں پاک ہووݨ۔ پر شادی شدہ عورت دُنیا دی فِکر ءچ راہندی ہے جو کِینویں آپنڑے پئے کُوں خوش کرے۔

1کُرِنتھِیوں 7:28

پر جے تُوں شادی کر وی گِھدی ہے تاں ایہ کوئی گُناہ نئیں تے جے کوئی کُنواری چھوہیر شادی کر گِھنے تاں ایہ وی گُناہ نئیں۔ پر ایجھے لوک مُصیبتاں برداشت کریسن تے مَیں تُہاکُوں مُصیبت تُوں بچاوݨ چاہندا ہاں۔

1کُرِنتھِیوں 7:10

پر جیہڑے شادی شدہ ہِن اُنہاں کُوں مَیں نئیں بلکہ خُداوند حُکم ڈیندے جو ذال آپنڑے پئے کُوں نہ چھوڑے۔