1کُرِنتھِیوں 7:22 - کِتاب مُقدّس سرائیکی ترجمہ

²² کیوں جو جیہڑا غُلامی دی حالت ءچ خُداوند ءچ سڈیا گئے او خُداوند دا ازاد کیتا ہویا ہے۔ اِینویں ای جیہڑا ازادی دی حالت ءچ سڈیا گئے او مسیح دا غُلام ہے۔

1کُرِنتھِیوں 7:22 Referans Kwoze

1 پطرس 2:16

تُساں ازاد ہیوے، اِیں واسطے ازادی نال زندگی گُزارو، پر آپنڑی ازادی کُوں بدکاری دا پڑدہ نہ بنڑاؤ بلکہ آپنڑے آپ کُوں خُدا دے غُلام جانڑو۔

فِلیمون 1:16

پر ہُنڑ ہِک غُلام وانگُوں نئیں بلکہ غُلام کنُوں ودھ تے یعنی ہِک بِھرا وانگُوں۔ او میکُوں عزیز ہے پر مَیں کنُوں ودھ تے تیکُوں عزیز ہے نہ صرف اِنسانی طور تے بلکہ خُداوند دے بندہ دی حیثیت نال وی۔

گلتِیوں 5:13

بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

یہُوداہ 1:1

ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

1کُرِنتھِیوں 9:19

بھانویں مَیں ازاد ہاں تے کہیں دا پابند نئیں، وَل وی مَیں آپنڑے آپ کُوں سبھ دا غُلام بنڑا ڈِتے تاں جو زیادہ لوکاں کُوں مسیح کولھ گِھن آ سگاں۔

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

1کُرِنتھِیوں 7:21

جے تُوں غُلامی دی حالت ءچ سڈیا گئیں تاں پریشان نہ تھی، پر جے تیکُوں ازاد تھیوݨ دا موقع مِلے تاں ازاد تھی وَنج۔

1کُرِنتھِیوں 9:21

جِنہاں دے کولھ شریعت نئیں، اُنہاں دے وچال مَیں بغیر شریعت آلا بنڑیا تاں جو اُنہاں کُوں جِنہاں کولھ شریعت نئیں گِھن آواں۔ بےشک مَیں خُدا دی شریعت تُوں ازاد نئیں بلکہ مسیح دی شریعت دے تابع ہاں۔