1کُرِنتھِیوں 7:21 - کِتاب مُقدّس سرائیکی ترجمہ

²¹ جے تُوں غُلامی دی حالت ءچ سڈیا گئیں تاں پریشان نہ تھی، پر جے تیکُوں ازاد تھیوݨ دا موقع مِلے تاں ازاد تھی وَنج۔

1کُرِنتھِیوں 7:21 Referans Kwoze

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

لُوقا 12:29

تے فِکر نہ کرائے جو تُساں کیا کھاسو تے کیا پی سو۔ اِیں گالھ کیتے پریشان نہ تھیوائے۔

1 پطرس 5:7

آپنڑیاں ساریاں فِکراں اُوندے اُتے سَٹ ڈیؤ کیوں جو او تُہاڈی فِکر کریندے۔

عبرانیوں 13:5

پیسے دے لالچ کنُوں دُور راہو تے جِتنا تُہاڈے کولھ ہے اُوندے ءچ خوش راہو، کیوں جو خُدا فرمائے ”مَیں تَیں تُوں آپنڑا ہتھ کڈھائیں نہ چیساں تے تیکُوں کڈھائیں نہ چُھڑیساں۔“

فِلِپّیوں 4:11

مَیں ایہ کہیں ضرورت دی وجہ کنُوں نئیں آدھا کیوں جو مَیں ہر حالت ءچ خوش راہنڑ سِکھ گِھدے۔

فِلِپّیوں 4:6

کہیں گالھ دی فِکر نہ کرو، بلکہ ہر حالت ءچ دُعا تے مِنت دے ذریعے تُہاڈیاں درخاستاں خُدا دے سامنڑے شُکرگزاری نال پیش کیتیاں ونجنڑ۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

1کُرِنتھِیوں 7:20

ہر بندہ اُوں حالت ءچ ای راہوے جیندے ءچ او سڈیا گئے۔

1کُرِنتھِیوں 7:22

کیوں جو جیہڑا غُلامی دی حالت ءچ خُداوند ءچ سڈیا گئے او خُداوند دا ازاد کیتا ہویا ہے۔ اِینویں ای جیہڑا ازادی دی حالت ءچ سڈیا گئے او مسیح دا غُلام ہے۔